ნანკა კალატოზიშვილისთვის სცენური ცხოვრება და ტელევიზიის ვარსკვლავობა საკმარისი აღარაა. ვასო აბაშიძის სახელობის ახალი თეატრის მსახიობი დარწმუნებულია, რომ არა მარტო თეატრია ცხოვრება, არამედ ცხოვრებაც თეატრია, რომელიც ხელოვანისგან სამოქალაქო აქტიურობას მოითხოვს. თუმცა თავისი ბიოგრაფიის შესაძლოა ყველაზე მნიშვნელოვან ეპიზოდზე ნანკა იშვიათად საუბრობს - ერიდება იმის თქმა, რომ გმირის შვილია. 13 წლის იყო, როცა მამა, ვლადიმერ კალატოზიშვილი აფხაზეთში გმირულად დაიღუპა.