ტრამპის გზავნილები და ევროპის უსაფრთხოების პოლიტიკა

საერთაშორისო მედიის ყურადღება ახლა მიუნხენის უსაფრთხოების კონფერენციისკენ არის მიმართული, სადაც მსოფლიო ლიდერები მომდევნო სამი დღის განმავლობაში გლობალურ გამოწვევებსა და უსაფრთხოების საკითხებზე იმსჯელებენ. ამ კონტექსტში განსაკუთრებული ყურადღება ბუნებრივია რუსეთ-უკრანის ომს დაეთმობა. მიუნხენის კონფერენციის გახსნას წინ უძღოდა შტატების პრეზიდენტის პრესკონფერენცია, მანამდე კი სატელეფონო საუბარი რუსეთის პრეზიდენტთან. როგორც დონალდ ტრამპი აცხადებს, მას სჯერა, რომ პუტინს მშვიდობა სურს, ომი უნდა დასრულდეს და მოლაპარაკებების მაგიდასთან შტატებთან ერთად რუსეთი, უკრაინა და სხვებიც დასხდებიან. ტრამპმა უკრაინაში ომის დაწყება ისევ ჯო ბაიდენის პოლიტიკას დაუკავშირა და დიდ შვიდეულში რუსეთის დაბრუნების ინიციატივაც გააჟღერა. ამერიკის პრეზიდენტის ბოლოდროინდელი განცხადებები კატეგორიულად მიუღებელია ევროკავშირისთვის.   როგორ განაგრძობს პოზიციონირებას ევროკავშირი უახლოეს მომავალში გაირკვევა, მანამდე კი ტრამპთან ერთად თავდაცვაში მეტი ინვესტიციის ჩადებისკენ ევროპას შტატების თავდაცვის მდივანმაც მოუწოდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1tv.ge გამოიწერეთ ჩვენი არხი - https://www.youtube.com/user/GeorgianPB/ ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.