أنا بقالي بدرس هندسة ٣ تيرمات،
صحيح ماخدتش اللقب
ومحصلتش حاجة أكاديميا لسا
لكن مفيش حاجة تمنعني إني أحكم على كل اللي في الكلية
لإن في قاعدة مهمة
أي مهندس لازم يكون عنده عقلية هندسية ومش لازم تبقا مهندس عشان عقليتك تبقا هندسية
---
العقلية الهندسية هي مهارة حل المشكلات
فأي حاجة غير كدا هي غباء
يعني سؤال فين البي دي إف وهو لسا مبعوت فنفس الشات ده غباء
أو سؤال علينا ايه بكرا وهو موجود فالجدول
في مقولة اسطوريةف الحتة دي
"جامبول فكر مرتين قبل أن تتكلم"
أو معلش يا دكتور مقدرتش أسلم عشان الكهرباء كانت
قاطعة ده غباء هندسي ،فين مهارة حل المشكلات؟
أو سؤال
يا دكتور الباوربوينت المفروض يبقا كام سلايد ده غباء
أو سؤال يا جماعة هو يوليوس قيصر حكم سنة كام؟ عشان غالبا الجماعة اللي معاك مش عارفين والأسهل
إنك تسال جوجل
وفي مذاهب بتقول إن كلمة ازاي ذات نفسها دي غباء
بس أنا لسا موصلتش للدرجة دي فالحكم على الناس
المشكلة إن لما دكتور أو معيد يقول لحد حل مشاكلك بنفسك كفاية غباء، الطالب بيفضل مش راكز على بعضه لحد م يلاقي حد بيشتم فالدكتور ده عشان يقعد يصيح معاه
فيكون خسر ٣ حاجات
١- حسناته
٢- قيمته عشان الناس الجدجمنتال اللي زيي هيعتبروك صيوح
٣- طاقتك
٤- إمكانية إنك تتحسن أصلا لإنك أنت وهذا الشخص بنيتوا لنفس حيطة من دور الضحية مخلية المشكلة ف الدكتور مش فيك
وأنا عندي مشكلة في الكلام على الدكاترة
لإن فالعادي لو حد متفوق فهو شخص أفضل من الشخص العادي مبالك لو هو متفوق باستمرار وباحث علمي
فطبيعي نسية إن يكون في شخص سيء فيهم قليلة
وسيء بمعنى بيسبب فساد زي اللي بيتاخد في مادة أخلاقيات المهنة اللي هو دكتور ظالم أو بيسرق أو بيعمل محسوبية الخ الخ الخ
لكن الأغلب مش بتكون دي مشكلتهم مع الطلبة
كل الدكاترة اللي حضرتهم بيحددوا لنفسهم سيستم ، اعمل ١، ٢ ، ٢ وهتنجح
مفيش ف الدنيا أسهل أو أضمن من كدا
بس لو ال ١ ، ٢ ،٣ ممشوش على هوى ورغبة الطالب فالدكتور ده ،اللي بيدرس بقاله ١٠ سنين وبيشرح بقاله ٢٠ سنة للأسف مش كفء بالنسبة للطالب الفسلة ده
و اسفة على ده، ده منطق غلط مش عدد السنين هو اللي بيحدد الأخلاق بسس طالما الدكتور مش بيخالف
أخلاقيات للمهنة فهو زي الفل
أو حتى لو بيخالفها قأنت معندكش حاجة تعملها مع ده ليه تزود ع المشكلة مشكلة وهي إنك تاخد ذنب
الفكرة إن خلال خبرتي اللي هي ٣ تيرمات كل الدكاترة اللي قابلتهم تقريبا كويسين وحتى أحسن دكتور عدى عليا ستيل في ناس من الطلبة الفشلة بتتكلم عليه
ااوووف ,أنا مش عارفة أنا متعصبة ليه بس ميمز فيسبوك بتعصبني وهي بتتعامل مع الغلط إنه طبيعي فالواحد يفضل فاكر نفسه طبيعي مع إنه ف الأصل تصرفات كتير ليه سيئة, ولو أنت مش بتفكر وتراجع كل فعل بتعمله ايه الهدف منه وايه فايدة سبب الهدف ده فعلى الأغلب أفعالك كلها غلط لإنها معتمدة على البشر والبشر غلط
في أغنية في 2014 لطيور الجنة أمينة كرم بتقول
اخر النهار راجع لحظات نهاري شو فيها كاان شوفيها صاار مع غيرك ولأصحابك
وبناءا على ما تم مشاهدته في 19 سنة من حياتي
أغلب الناس مش بتعمل كدا
مع إن دي كانت للأطفال المفروض أحنا ككبار للأسف نغوص أعمق
يعني مثلا: أنا ليه متضايقة إن بحثي مطلعش أحسن بحث؟
هل أنا هستفيد من فرق الدرجات أوي؟ لا
طيب ليه
هل أنا ببحث عن التميز وخلاص؟ شكله كدا
طب ليه
هل أنا عندي قلة ثقة بنفسي فبحاول أغطيها بالتميز الظاهري لأي فعل ملهوش لازمة بس عشان أحس قدام نفسي والبشر إني متميزة؟
اممم منطقي
طيب ليه عندي قلة
إلخ إلخ إلخ
الحوار الذاتي مهم ,وفي هذا العصر حتى جلد ذات ما قبل النوم بيفوتنا ,عشان شكلنا بيبقا عامل كدا
,بيفوتنا بردو الحوار الذاتي اللي هو مهم لتطوير شخصك
عشان كدا بنقابل تلك الأشكال كل يوم
سيدنا محمد قال
عن النَّبيّ ﷺ قَالَ: الكَيِّس مَنْ دَانَ نَفْسَهُ، وَعَمِلَ لِما بَعْدَ الْموْتِ، وَالْعَاجِزُ مَنْ أَتْبَعَ نَفْسَه هَواهَا، وتمَنَّى عَلَى اللَّهِ رواه التِّرْمِذيُّ
والكيس معناها الحازم الفطن القوي
---
قد تظن إن أنا طلعت برا الموضوع لكن لا : محاسبة النفس بالشكل ده تعتبر تفكير هندسي
من الاخر :-المهندسين بيتعاملوا مع المشاكل بطريقة **منهجية ومنطقية**،
بيقسموها لأجزاء أصغر، بيحددوا الأسباب،
وبيجربوا حلول مختلفة.
وهنا للأسف الشديد يكون الفيديو خلص
يارب مندمش على الفيديو ده بعدين لما أتحول لهذا الشخص اللي بيسأل أسئلة غبية وبيكره كل الدكاترة