#НартайАралбайұлы #NartayNews #НартайНьюс #Еңбекадамы
📌 Бүгінгі мамандық иесі - КӨЛІК ЖӨНДЕУШІ.
Қазіргі уақытта елімізде 5 млннан аса көлік бар екен. Соның ішінде 20 жылдан аса уақыт өткен көліктердің саны 51 пайызға жетті. Ал, ескі көліктің жағдайы айтпаса да түсінікті. Уақыт темірді де тоздырады. Оның үстіне қазақтың кең даласында, шоқалағы көп жолдарында әрі-бері шапқылаған темір тұлпар демігіп, аяқтан кететіні рас. Бірақ, біз бұл көліктің тозығы жетті екен деп, утилизацияға жібермейміз ғой. Қисайған жерін түзеп, үзілген жерін жалғап, әйтеуір іліктіріп алсақ та қос өкпесінен теуіп мініске саламыз. Әлбетте, амалдың жоқтыңынан. Әйтпесе, кім жаңа көлік мінгенді қаламайды. Хош, айтқымыз келгені ескі көлігі көп елімізде «СТОшлыардың» яғни, көлік жөндейтін мамандардың жұмысына сұраныс әлі де күйіп тұр. СТОсы көп көшелерге бара қалсаңыз, қыж-қыж қайнап жатқан тірлік. Ентігіп келген темір тұлпарлар тағасын ауыстырып, кісінеп шығып жатыр. Міне, бүгін біз сол көлік жөндейтін азаматтар жайлы баяндаймыз. Қолдарын қара майға былғап, қара термен нәпақа тауып, отбасыларын адал еңбекупен асырап отырған еңбек адамдарына зер салайық.
Көлік жөндейтін мамандар да түрлі бағытқа қарай бөлінеді. Мысалға, автомеханиктер, автоэлектриктер, кузов жөндеушілер, дөңгелек жөндеп, ауыстыратындар және автомобилді бояп, сырлайтындар тағы бар. Әрқайсысының жұмысы күрделі. Ұзақ жылдар бойы жинаған тәжірибе мен шеберлікті қажет ететін жұмыс. Еңбегіне және оның сапасына қарай табысы да өсе береді. Бірақ, көлік жөндеушілер әр тиынды маңдай терімен теріп, еселі еңбектің арқасында ғана табысқа кенеліп отыр. Бұл бәсекесі жоғары сала болғандықтан үнемі ізденіс пен біліктілікті талап ететін мамандық. Сондықтан да, екінің бірі темір тұлпарды қасапшыдай жіліктеп, реттей алмайды.
Өкінішке қарай, ескі көліктер ғана емес, жылы жаңа автомобиилдер де сынып жатады. Ал, қазір не көп, көліктің түрі, маркасы жетерлік. Аттарын жаттап үлгермей жатырмыз. Ал, көлік жөндеушілер солардың тілін түсініп, іш құрылысын жетік меңгеріп, бұзылған жерін бірден тауып, жөндей білуі керек. Бұл оңай іс емес. Сондықтан, СТО-да жүрген азаматтар жаңа технологиялардың ерте меңгеріп, нарықтың бағытына ілесіп жатқан мамандар. Ең бастысы олар әр көлікті асқан жауапкершілікпен жөндейді. Өйткені, бір жері қате болса, тас жолдың бойында апат болуы мүмкін екенін біледі, сезінеді. Темірден болар көлігің, темірден болар өлімің деп сан ғасырлар бұрын айтып кеткен бабабалар сөзі көптің қаперінде. Қорыта айтқанда, темір тұлпардың сырын білетін азаматтар аман болсын! Олардың қызметі – ескі көлігі көп жаңа Қазақстанда ауадай қажет!
"Еңбек адамы" елеусіз қалмасын! Биыл біз тұтас фильмдер сериясын жасауға бел будық. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Инстаграм: https://instagram.com/nartay_aralbayuli?igshid=vrytdav3x4e3
Фейсбук: https://www.facebook.com/nartai.sarsengaliyev