#НартайАралбайұлы #NartayNews #НартайНьюс #Еңбекадамы
📌 Бүгінгі мамандық иесі - КӨШЕ ТАЗАЛАУШЫ
Біз бүгін көзге көріне бермейтін қаһармандардың ауыр да, қиын еңбегі жайлы айтамыз. Кез келген қаланың келбеті оның тазалығымен өлшенеді. Ал тазалықты сақтау жолында тер төгетін жандардың еңбегі көбіне еленбей қалады. Олар – көше тазалаушылар. Қазақстанда тазалыққа жауапты маман иелері – қажырлы еңбекті, төзімділікті талап ететін, бірақ қоғам тарапынан лайықты бағаланбайтын жұмыстың бірі. Бүгінгі кейіпкерлеріміздің жұмысын көріп, бейнеттің бейнесін көргеннен кейін өзгенің еңбегін құрметтеу керек екенін тағы бір түсінесіз.
Көше тазалаушылардың жұмысы таңғы сағат 4-5 те басталады. Оларға ауа райының қолайсыздығы да кедергі бола алмайды. Жазда аптап ыстықта, қыста қақаған аязда, көктем мен күзде жауын-шашын астында көшелерді, аулаларды қоқыстан тазарту – оңай шаруа емес. Қолмен сыпыру, ауыр қоқыс дорбаларын көтеру, арнайы техниканы басқару – бәрі де физикалық тұрғыдан үлкен күш салуды талап етеді. Бұл мамандықтың қиындығы тек физикалық жүктемемен шектелмейді. Көбінесе қоғамның немқұрайлылығына, тіпті кейбір жағдайларда дөрекі қарым-қатынасына тап болады. Көшеге қоқыс тастау мәдениетінің төмендігі, аяқ астынан түкіру, тұқылды жерге тастау сияқты жағдайлар тазалыққа жауаптылардың жұмысын қиындатады.Ең өкініштісі, осындай ауыр еңбекке сай төленетін жалақы көңіл көншітпейді. Бірақ, олар барға қанағат деп, өз жұмыстарын жауапкершілікпен атқарып келеді.
Сіз бен біз тәтті ұйқыда жатқанда, тазалық жаршылары таң қылау бере айналаны түгелдей мұнтаздай, мінсіз етіп жинақтап шығады. Көзге көрінбейтін еңбек деуге болмас... Жан-жағыңызға қарасаңыз, аялдамада, көшенің әр бұрышында осы еңбек адамдарының қолының табы жатыр. Ал, еңбек қай сала болмасын, қашан да лайықты бағалануы керек. Тек сонда ғана біз таза, әсем қалада өмір сүре аламыз. Әрқайсымыз көшеге қоқыс тастамау арқылы, олардың еңбегін жеңілдетуге өз үлесімізді қоса аламыз. Сондықтан, қоршаған ортаның тазалығына бәріміз жауапкершілікпен қарасақ игі.
"Еңбек адамы" елеусіз қалмасын! Биыл біз тұтас фильмдер сериясын жасауға бел будық. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Инстаграм: https://instagram.com/nartay_aralbayuli?igshid=vrytdav3x4e3
Фейсбук: https://www.facebook.com/nartai.sarsengaliyev