المسعودي:
نهاية يوم ذي الحجه بداية يوم من عاشور
هلا يامرحبا والمملكـه باحلـى لياليهـا
انا ماهمني فالوقت لا مطلق ولا مستـور
مركبها على قمة جبـل وتهـز رجليهـا
مطلق:
انا اشوف المدافع فالمحاجي والفرود اتثور
يدوم الك البقا وانته جملها وانت راعيهـا
تقوله وانت محني في يديه حنية الباكـور
وانا اللي من قديم الوقت طابخها وشاويها
المسعودي:
عينت الشايب اللي لقمته ماوصلت الحنجور
فضيحه لن تفلها وان بلعهـا سمهـا فيهـا
منول ياذهبنا كنت في صندوقنـا مصـرور
وذلحينـه تشالتـك الحراميـه باياديـهـا
مطلق:
عينت الطرقي اللي شق قدرة شعلة الدافور
لياجاته ضيـوف الله يـزري لا يعشيهـا
انا ماني بشايل لي عصاة راسها مشقـور
لكن التاجـر اللـي جابهـا لازم يوديهـا
المسعودي :
ولا ياصاحب ماتشرب الا السكر المعصور
ديار مابها الا الشـوك لـو يسيل واديهـا
تصيح الها مع المغرب وتقهرها طلوع النور
شداد فوق غاربهـا وحبـل فـوق اذانيهـا
مطلق:
انا اشوف السمن سايل من القبه ليا الزبزور
يصلح وجهها ميـر الكوايـا فـي علابيهـا