القوه الضاربة🔥⚡️-جفران بن هضبان - منقية بدر بن سعد الهويدي - كلمات سعد الهويدي - جديد 2023

تنبيه : نسخ المحتوى واعادة رفعه يعرض قناتك للاغلاق


القوه الضاربة🔥⚡️-جفران بن هضبان - منقية بدر بن سعد الهويدي - كلمات سعد الهويدي - جديد 2023



الموال
🔥🔥🔥🔥🔥🔥🔥🔥🔥
ما عاد فيها لا يمين ولا يسار
الوقت ندعس بالقدم عقاربه

جينا بكبر الروس وبزين العمار
صفرن وشعلن بالحلاا متقاربه

اتلادنا ما جات في عقد الاجار
المحزم احزامي وانا الي كاربه

لحدن يقدم لا تقدمنا العذار
لا ينحرج في ربعه وفـ اقاربه

اقولها يا اهل المزاين بختصار
نخبه على نخبه وقوه ضاربه

والي توْعد ياتي بذاك النهار
لا يزعج العالم ويفتل شاربه

من يصتدم راسه مع الروس الكبار
لا ينصدم لا عض بكره غاربه
🔥🔥🔥🔥🔥🔥🔥🔥🔥
،،،،،،،،،،،،،،،،،،،،،،،،،،،،،،،،،،،،،،،،،،،،،،،

اليا بغيت اسج من طرق الهجوس
قام الشعر يزهم علي من منبره

وسراني ابطقسن ماهو مثل الطقوس
مسباحي بيمناي وانا ادوره

من شاف حالي قال يالربع امهووس
ما بيني وبين الجنون الا اشعره

اتقول في راسي مثل نار المجوس
اليااا كتبته في مجال المفخره

يا جعلي ابلع يالنشاما حد موس
دون الهواجر كان ما عمت ابحره

لو المراجل بالسوالف واللبوس
كان المراجل كلبوها في مره

لكنهاا حربن مثل حرب البسوس
من لا ظهر بيديه محدن مظهره

يا اهل الصفر والشعل والهباب كوس
لحدن من اهل الزين يذخر ندره

والي يحسب انه كبير و بق بوس (Big boss)
خله يدرج لا حضرنا فطره

من قبل يصرف لـ اهل الزينات كوس
وحنا هل الزين الفضاح ومصدره

بدر الهويدي جاء يدور صمخ روس
بالنخبتين الندر المتصدره

ساق التلاد وحاس جمع الزين حوس
اتقول كنه مشتريهااا بنظره

لون الصفر بنن منقا وامحموس
والشعل فيها من شقار امبهره

واللحي كنه سيف والعرنون قوس
ومتسنداتن ماهي ابمتحدره

كن عرضها يعطي هل الناقه دروس
بزين الطفاح وزين خشه ووبره

كل اقزحن فيها جمال العيطموس
اليا مشت فيها طغاه وبختره

واليا ندبها الصوت كن فيها مسوس
اتخلي صحاح الجو عجه واغبره

انتاج هرشن ماهو ابشبك امحروس
امسبلن ما قيل شوفو دفتره

تحت انحره خطرن يعدن السقوس
من طيبه وكبره ومن وسع انحره

منزاله اتجي له هل الندر عسوس
كلن عليه ايسوق شعله وصَفره

ملك اصوكً ما يحسب احساب الفلوس
من دونها خلاا الدراهم بعثره

يا حي منهو عندها تحت الشموس
ماهوب يرقبهاا وهو في موتره

حط المجالس فوق عسرات الطعوس
والوايتات امورده ومصدره

ابو سعد يا جعل تفداه النجوس
في كسبت الناموس ما نستنكره

تعب عليها واسس خيار الرسوس
مابه فحل منتج ما راح وحضره

امعمقه والساس بيّن وامغروس
من عقب الاجرب هد موجن ب اثره

هوبل لها يابو سعد خلهاا تدوس
الجمر والقافر تمثنا ب خْطره

نومس بهاا ربعن على الطاغي تروس
وتصفف العدوان وسط المقبره

هواجرن يوم الزمن وجهه عبوس
ما فيه عيالن ما جينااا ب اخبره

منهو زهمنا ما يطول بالحبوس
احمّد ربي جل شانه واشكره