🔸 Ош шаарынын мэри Жеңишбек Токторбаев бүгүн, Экологиялык жана техникалык көзөмөл кызматынын директору Болотбек Жусупбеков жана тиешелүү кызматтардын жетекчилери менен биргеликте Ош-Ноокат жолунун ДЭУ тилкесине барып, көчмө жыйын өткөрдү.
🔸 Мэр бул жерде жайгашкан карьерлерди көчүрүү боюнча бир катар тапшырмаларды берди.
🔸 Мында бардык карьерлерди жаап, алардын ээлерине жардам көрсөтүү менен тоонун каршы тарабына көчүрүү боюнча сунуш берүү, шагыл казылган аянттарды иретке келтирип, бак-дарактарды отургузуу, жолдун эки тарабына талаптарга жооп берген селди буруучу каналдарды куруу талаптандырылды.
🔸 Андан сырткары шаар башчысы тиешелүү кызматтарга бул жерде жайгашкан сел каналын калыбына келтирүү жана тазалоо боюнча кечиктирилгис чараларды көрүү, мыйзамсыз курулуштарды бузуу боюнча тапшырмаларды берди.
🔸 Ал эми жолдун боюндагы тосмолорду 15 күн ичинде алып салуу боюнча ээлерине эскертүү берип, иретке келтирүү талабын койду.
_________________________
📝 Маалыматтык камсыздоо бөлүмү
#Ош_мэрия