طريقة عمل البوريك التركي باللحمة المفرومة المقرمش 😍

اليوم عنا طريقة عمل البوريك التركي بحشوة اللحمة المفرومة و لكن هالمرة هنعمله بطريقة جديدة بحيث يكون معنا بقوام مقرمش و لذيذ و فيكم تعملوا البوريك بنفس الطريقة ولكن بحشوات مختلفة على حسب الرغبة و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض .حتى لا يفوتكم وصفاتنا يمكنكم الاشتراك فى القناه. https://www.youtube.com/c/elmatbakhelturky?sub_confirmation=1 المكونات: 25 قطعة من عجينة البقلاوة مكونات الحشوة: 1 حبة من البصل 1\2 كوب شاي من الزيت 500 جرام من اللحمة المفرومة 1 ملعقة صغيرة من الفلفل الأحمر 1 ملعقة صغيرة من الفلفل الأسود 1 ملعقة صغيرة من الملح مكونات صوص البوريك: 100 جرام من الزبدة 1 كوب من الحليب 1 كوب شاي من الزيت طريقة التحضير: 1- بالبداية لتجهيز الحشوة هناخد حبة من البصل و نفرمها على شكل ناعم و نحطها على جنب و هناخد مقلاة مناسبة و نضيف فيها شوي من الزيت و نضيف حبات البصل اللي فرمناهم و نحركهم مع بعض لحتى يبدا يتغير معنا لون البصل 2- بعدين هنضيف اللحمة المفرومة و نبدا نحركها و نفرفطها مع المكونات التانية لحتى تجهز معنا و لما يتغير معنا لون اللحمة هنضيف الفلفل الأحمر، الفلفل الأسود و الملح و نحركهم مع بعض للمرة الأخيرة تقريبا لمدة 1 - 2 دقيقة بعدين هنشيلهم من على النار و نحطهم في طبق مناسب على جنب 3- اما هلق هننتقل لتجهيز صوص البوريك و هنضيف في طبق مناسب الزبدة الذايبة، الحليب و الزيت و نخفقهم مع بعض منيح وهيك بيكون جهز معنا الصوص 4- و اخيرا هننتقل لتجهيز البوربك و هناخد قطع عجينة البقلاوة و هنفتح اول قطعة من العجينة على الطاولة و سبب استخدامنا لعجينة البقلاوة لحتى نحصل على القرمشة المطلوبة للبوريك و هناخد الصوص اللي جهزناه و نضيفه على العجبنة و نوزعه على كل الأطراف 5- و نكمل بنفس الطريقة و ناخد قطعة العجبنة التانية و نحطها على الأولى و ندهنها من الصوص اللي جهزناه بشكل منيح و ناخد القطعة ال3 و ال4 من قطع العجبن و ندهنهم بالصوص و اخيرا هنضيف القطعة الأخيرة من العجين و لكن الطبقة الأخيرة مش هندهنها بالصوص 6- و لما نضيف ال5 طبقات من العجين هناخد الحشوة اللي جهزناها و نضيفها على طرف العجينة و نسكر العجينة على شكل الرول بعدين هنسكرهم على بعض من الوسط متل الشكل اللي بالفيديو و هنحط القطعة الي جهزت معنا في صينية الفرن 7- بعدين هناخد القطع التانية من عجينة البقلاوة و هنعملهم بنفس الطريقة و هنحشيهم و نسكرهم على الشكل الرول و نعمل كل الكمية المتوفرة عنا و نحطهم في صينية الفرن و بالمجموع استخدمت 25 قطعة من عجينة البقلاوة يعني قدرت اعمل 5 قطع من البوريك 8- و اخيرا هناخد الصوص اللي زاد معنا و اذا كمية الصوص قليلة هنضيف عليه شوي من الزيت و هندهن كل قطع البوريك اللي جهزناهم بالصوص من كل الأطراف بشكل متساوي 9- و هلق هندخل صينية البوريك اللي جهزناها على فرن حامي على درجة حرارة 190 لمدة 30 دقيقة تقريبا و هنتركهم في الفرن لحتى يجهزوا معنا 10- و لما تخلص معنا المدة هنطالعهم من الفرن و نستنى عليهم لحتى تطلع منهم الحرارة الأولى بعدين هنحطهم في طبق مناسب و نقطعهم و هنقدمهم بالشكل و الطريقة اللي منحبها و صحة و عافية طريقة عمل البوريك باللحمة المفرومة https://youtu.be/FiJoUProLho طريقة عمل البوريك التركي باللحمة المفرومة https://youtu.be/SWVae-YPoP8 طريقة عمل البوريك الكذابي بحشوة السبانخ و الجبنة https://youtu.be/iTcQplXnv80 طريقة عمل بوريك البطاطا https://youtu.be/w18Veec-Ec4 طريقة عمل بوريك المعكرونة بحشو الجبنة https://youtu.be/op0yZhcYdqc طريقة عمل بوريك بالبسطرمة https://youtu.be/GSQ6VZIxK-c طريقة عمل بوريك باللحمة المفرومة بعجين البف باستري https://youtu.be/gVe4dUkAKI8 طريقة عمل قطع البوريك بالجبنة https://youtu.be/jQNI-jKx0JQ يمكنكم الاشتراك فى صفحتنا على الفيسبوك. https://www.facebook.com/elmatbakh.elturky يمكنكم متابعتنا على الانستغرام. https://www.instagram.com/elmatbakh.elturky