#حليل_حبوبه
كلمات :
#خالد_شقوري
غناء :
#هيثم_قنتي
يا حليل حبوبة قبال الهجاير ..
بي قفيفتها مارقي في الفجاج تهاجر ..
من طريف قوز هندي لا دوم المهاجر
ايي صح مرضاني .. بس كانت تكاجر
رغم انها جالبي ..
لكن ماب تتاجر
والبطان الطلبه ضاربين فوقها غلبة
وللزلابية يختفوا لكن بالها سلبه
وبالبسيمة الضاوي تنده الله ياجر
يا حليل حبوبة ..
حليلا شدت للحليله
وولعت نار صاجا وين تلقالا قيله
والمواصة البايتي ودتها للسخيلة
والجدادي وراها تنقد في البصيلة
والنعيجي الوالدي ساقتها لي ضليلا
وتاني عاد مندلي ناوي تقص شتيلا
الكداد هداها لامن بتّ حيلا
امنا الشقياني من زمنا الطفيلة
لاشكت من حالها ..
لا مالتبو شيلا
يا حليل مريودة والشاي المقنن
في المغارب والمغيرب دابو اذّن
قايمي تترد نارو لامن فار وسخن
ودلت الكفتيره بي توبا الملون
وفي قعير الشنطة كعك العيد مصبن
من زمان داخراهو للضيف والدرفّن
وياحليلو دعاها كان يمرق ملحن