„ილუზიების დრო დასრულებულია” - ამ სიტყვებით მიმართა ევროპარლამენტს ევროკომისიის პრეზიდენტმა 11 მარტს და მოუწოდა ქვეყნებს, სასწრაფოდ გაზარდონ თავდაცვის ინდუსტრია.
„პუტინის ნდობა არ შეიძლება, შესაძლებელია მხოლოდ მისი შეკავება”- განაცხადა ურსულა ფონ დერ ლაიენმა.
მან ასევე მოუწოდა ევროკავშირის წევრი ქვეყნების მთავრობებს, თავდაცვისუნარიანობის გაძლიერების მიზნით 150 მილიარდი ევროს ოდენობის სესხები გამოიყენონ.