❣مولودي : بشفافي كلمات❣
✍🏻 الشاعر: رحيم ابوعليوي الكاظمي
الرادود: لحاج باسم الكربلائي
❣❣❣❣❣
اشراقه قدسيه💫
هيبه الهيه🕋
بيهه اتغنه💖
❣❣❣❣❣
بشفافي كلمات تهزني مشاعرها
يامن الك ذات عجيبه مفاخرها
اشراقه قدسيه من باب الجنه
هيبه الهيه بيها اتغنه
❣❣❣❣❣
اتضرع الوجه الله بيه اتوسل
يمنحني بالحب والجاه حته اتأمل
عشگ السحر بمعناه رایداتوصل
جوهر عزته سره وهیبته
ربي يمكني اعرف غايته
انظر كراماته واعرف معناها
و اصغي المناجاته وافهم فحواها
❣❣❣❣❣
شفتك شمس ماتنكسف
شفتك گمر ما ینکسف
نورك ابد ماينعطف
سرك صعب ما ينكشف
من بحرك اشما ارتشف
احساسي بي ماينوصف
يالحيرتني بمعناك ياابوالاكبر
شماارد اوصفك الگاك اكبرواكبر
يحسين كل اليهواك بأسمك اتحير
❣❣❣❣❣
تبقه مسائك للعين بالفخر تسكع
والماتشوفك يحسين بالجهل ترتع
تلگه بعد مثلك وين طاهرالمرضع
ياسر الفلك محراب الملك
ياوتر المجدثاني ما الك
بساق العرش نورك وبلوح القدرة
حتى اليجي يزورك يتشرف قدرة
❣❣❣❣❣
موحگها ناس الحبتك
تذوبها شمة تربتك
تمشي تحت ظل رايتك
بأخطر ظرف ما عافتك
ترخص مهجتها لخدمتك
من يوصل الحد ذروتك
ذوبت بالحب گلوب یاشبل حیدر
یا اغله واعظم محبوب منهلك كوثر
بالعرش اسمك مكتوب بأنواره يزهر
❣❣❣❣❣
للثائرين الاحرار انته كعبتها
بأسمك بكل الادوار تبقه هيبتها
تاج الفخر انته وصار الها رتبتها
صرخه وتستمر بكل دور وعصر
يا اعظم منهل يا اطهرفكر
سوح الشرف انته عنوان ومحور
نهج العدل صنته يالما تتكرر
❣❣❣❣❣
بيك الامل والمرتجه
منقذ مثيلك ما اجه
افكارك المتوهجه
ضد العقول الساذجه
جدك محمد منهجه
خطيته واكشفت الدجه
بسورة عروس القرأن كلمن اتدبر
يلگاك انت المرجان هيبتك جوهر
شخصك بكل الازمان لا ماتكرر
❤لا ماتكرر❤