أخذتي زهرة اسنيني | الرادود باسم الكربلائي

رثاء سيدة نساء العالمين فاطمة الزهراء (ع) ليلة 15 رجب 1427 هـ قصيدة : أخذتي زهرة اسنيني أداء : الحاج باسم الكربلائي كلمات : الأديب الأستاذ جابر الكاظمي المكان : حسينية الرسول الأعظم (ص) الكربلائية - دولة الكويت الزمان : ليلة 15 جمادي الاول 1428 هـ - 2007 م 00:00​ المستهل اخذتي زهرة سنيني .. يا دنيا بعد ﮔـولي شتطلبيني .. يا دنيا بين العبرة .. و بين الجمرة أجذب حسرة .. بفـﮕـد الزهرا - 01:40​ عتب بين الوصي و دنياه نسمع يخاطب دنيته الفارس الأنزع إذا شفت جفن عيناي يدمع على الزهراء أحس ﭼـبدي تبضع حزين و عالحزن صابر .. يا دنيا و على الهم مهجتي تكابر .. يا دنيا شما أتألم .. لا ما أهتم و أنا محزم .. ﮔـللبي بصبر - 07:03​ أنا الدنيا يا حيدر و عرفتني شبدت مني ذنوبي و حاربتني خطبت بضعة محمد و تركتني يا حيدر بالثلاثه طلـﮕـتني شتضن أنسى المهانه الي هنتني أعذبنك مثل ما عذبتني خذت من عندك البضعة .. يا حيدر أريدك تسفح الدمعة .. يا حيدر شما تتمنى .. ما تتهنى و انا اتحنى .. بدم العترة - 12:50​ رضيت بقهرﭺ و هضمـﭻ يا دنياي إذا عندي ذنوب تحاسب وياي شلـﭻ ويا الوديعة و نور عيناي هاي الطاهره و أم الحسن هاي رميتيها بسهم و انشلت أعظام بفـﮕـد أم الحسن حلت مناياي الوديعة يا ذنب عندها .. يا دنيا حبيب الباري والدها .. يا دنيا عذبتها .. و عصرتها و ألمتها .. بذيـﭻ العصرة - 15:28​ أنا الدنيا الدنيئه و دورتهم أخس اولادي عدوانك شفتهم بفدايا الخسة و الذله رضعتهم بدوافع غدر يم بابك جبتهم على دارك يا حيدر جمعتهم على كسر الضلع آنا الشجعتهم بعثت لك أرذل أولادي .. يا حيدر غصبوا حـﮓ بضعة الهادي .. يا حيدر ما رحموها .. ولا جلوها بل خلوها .. تظل متحيره - 20:36​ أنا حيدر أنا و جوهر صفاتي يصبرني على جمرة نايباتي شبعد عندﭺ يا دنيا هموم هاتي أنا الي عالصبر مجبوله ذاتي بمصاب الزهراء ﭼـن حانت وفاتي أعز من فاطمة شعندي بحياتي طفيتي شمعة عيوني .. يا دنيا أظن وافيتـﭻ ديوني .. يا دنيا و هذا عتابي .. يهيج صوابي نار مصابي .. تظل مستعره - 25:58​ خذلتني يا علي و جورك تعدى و أنا الدنيا و دليلي يفيض حقده الي ثاري و طلب لازم ترده الحسن إبنك أﮔـطع بيدي ﭼـبده و أروح لكربلاء بسيفي أرجده على التربان جسم حسين أوسده بنينك كلها تتبضع .. يا حيدر بناتك لليسر تطلع .. يا حيدر شبولك كلهم .. محد إلهم ينزف دمهم .. فوﮒ الغبره