الفرق القاطع بين البوري و الدوبارة (الطوبار) مستحيل تتلغبط بعد كدة 👍🏻👍🏻👍🏻

رغم ان سمكة النهاردة مشهورة جدا جدا 😍😍 بس في معلومات ممكن تكون غريبة بالنسبة لو حد مبتدئ 🙂 النهاردة هنتكلم علي سمكة البوري في منها حوالي 80 نوع علي مستوي العالم 🙂 و هنا في اسكندرية في انواع مشهورة جدا زي البوري السهلية و الاصفر ودن و الجران و الجعبوب و الكنبوت و انواع تانية كتيييير منعرفش عنها حاجة 😅😅 النهاردة ان شاء هنفرق بين البوري العادي و البوري الطوبار اشمعني 🤔 عشان تاخد بالك و انته بتشتري 🙂 بوري الطوبار (الدوبارة) ارخص من اي نوع بوري تاني مع ذلك ممكن البياع يعملها معاك و يشتغلك 😅 و يحطلك البوري الدوبارة مع البوري العادي 😓 طب ازاي افرق بينهم 🤷‍♀️ طبعا فيه فروقات كتيييير جدا و الناس المتخصصة عارفة كدة كويس بس انا هقولك علي فرق قاطع لا يقبل بالشك 🤚👌 البوري فيه غشاء علي عنيه لو حطيت صوبعك علي عينيه عمرك ما تلمسها 😮😮 اما الدوبارة (الطوبار) لو حطيت صوبعك علي عينيه هتلاقيك لامسها و بتتحرك معاك عادي 😅 مقال عن انواع البوري و طرق صيده https://www.facebook.com/groups/AlexandrianFisherman/permalink/2210902705694651/?app=fbl مقال عن الفرق بين البوري و الطوبار او الدوبارة https://m.facebook.com/groups/216640929624563?view=permalink&id=266096061345716 مقال علمي عن سمكة البوري https://m.facebook.com/groups/1037634859610724?view=permalink&id=2940562742651250