أكل الشوارع التركي 🌯 تجربة أشهر عشرة في اسطنبول ❗️

تجربة أكل الشوارع التركي 🌯 أشهر عشرة في اسطنبول ❗️ المطبخ التركي بشكل عام معروف و منتشر بالعالم ، بس اكل الشوارع التركي مو الكل بيعرفه ومشان هيك حبينا ننزل عالشارع و نجرب أشهر عشرة و نعطي رئينا الشخصي في كل اكلة. و رح نبلش القائمة في ال إسلاك برغر islak burger يعني البرغر الرطبة حجمها صغير كتير ومافيها شي غير انها مغطسة بسوس الطماطم ونحنا ماكتير حبيناها. الاكلة التانية وهية ال balik ekmek يعني سندويش السمك هي من الاكلات المشهورة جداً في الشارع التركي و بالاخص في اسطنبول ، طيبة كتير و نضيفة بس بدها كتير ليمون 🍋 الاكلة الثالثة هيك ال çığ köfte و هية كبة نية من دون هبرة او لحمة فيها بس برغل مع توابل رحنا عند اشهر واحد ومعروف عنه انه دائماً معصب بس للصراحة هو الأطيب في اسطنبول و سعّر الساندويتش رخيص كتير و جداً مشبعة الأكلة الرابعة هية الاكلة التركية الاشهر وهية الكباب وبتختاروها اما مع حد او بدون طيبة و الأأمن على قولة فراس و سندوتش وحدة مشبعة الأكلة الخامسة هية ال كوكو ريتش ، اكلة غريبة من امعاء الخاروف و فيها كمية توابل زيادة عن اللزوم و ريحتها كتير قوية، مانها طيبة ومامننصح بتجربتها ! الأكلة السادسة وهية المفضلة النا وهية الميديا الميديا عبارة عم محار محشي رز متبل و مطبوخين بشكل جيد، أكلة كتير كتير طيبة ومنتشرة بكل مكان و سعرها منطقي و بيختلف من محل لمحل ومننصح اي حدا بيجي اسطنبول او تركيا يجربها وعلى مسؤليتنا . الأكلة السابعة وهية الدونر التركي يعني الشاورما التركية اللحمة و الدجاج اللحمة بتنعمل بالصمون التركي و بحطولها بهارات و شوية بطاطا مقلية … كتير طيبة و جربناها من عند افضل مكان برئينا بالنسبة لشاورما الدجاج التركية التقليدية نحنا ما منحبها ابداً مشان هيك منلجأ لشاورما دجاج على اصول المطبخ التركي الجنوبي يعني هاتاي و اسكندرون وهالمناطق بتكون كتير اطيب ومانها ناشفة رحنا عند اشهر واحد بيعملها ومكانه بمنطقة كاديكوي ومننصح الكل يجربها . الأكلة الثامنة وهية الارز بالدجاج منتشرة كتير وتقريباً بكل شارع في محل و هية عبارة عن رز و صدور دجاج و حمص ، اطيب شي ينضفلها بهار اسود و على جنب فليفلة حدة بس غزل بتحب تحط معها كاتشب! الاكلة التاسعة كمان مشهورة كتير في اسطنبول و بالاخص في منطقة أورتاكوي و هية الكومبير البطاطا 🥔 بيطبخوها بالفرن و بخلطو معها زبدة و باقي المكونات حسب اختيار كل شخص . و الاكلة العاشرة و الاخيرة هية التانتوني و هية قطع لحم اما بقر او دجاج بتكون مقطعة لقطع صغيرة كتير و بتنعمل على نار عالية وبينضاف عليها بهارات و بحطوها بالساندوتش مع بندورة و بقدونس و بصل ، بتتقدم اما بخبز اللف الرقيق او بالصمون التركي، مانها مشبعة كتير بدكم ٢ لتشبعو اما فراس مينيموم ٣ سندويشات ‼️ وهيك منكون ختمنا القائمة و استمتعنا معكم بهالفيديو لحظة ب لحظة 🫶🏼 ——— #أكل_شوارع #تركي #street_food ——— شكراً للمتابعين الاوفياء اللي معنا من بداية المشوار و كل المتابعين الجدد اللي عم ينوروا قناتنا. عيلتنا عم تكبر يوم بعد يوم و نحنا عم نكبر فيكم ❤️ حساباتنا على مواقع التواصل الإجتماعي : غزل : https://www.instagram.com/ghazal.navlo?igsh=MWxnOXp3MjI0ZHZtbQ== فراس : https://www.instagram.com/firas.navlo/profilecard/?igsh=MTlmam95YnU1MW03eg== لونا : https://www.instagram.com/luna.navlo?igsh=aGZ6a3BpNmlqcjRq