نعالج القبح بالجمال
ـــــــــــــــــــــــــــــــــــــــ
حروف اسمك
ـــــــــــــــــــــــــــــــــــــــ
كلمات: هاشم صديق
ألحان: محمد الأمين
بورتريه: عماد عبد الله
ـــــــــــــــــــــــــــــــــــــــ
حروف اسمك
جمال الفال
وراحة البال
وهجعة زول بعد ترحال
وتنّية حلوة للشبال
ودنيتنا ومشاويرنا
وغنواتنا الى ما بتِنقال
***
حروف اسمك
نجوم ركّت على الياسمين
فرح فى عين جمالها حزين
أساور فى إيدين طفلة
بتحفظ فى كتاب الدين
زَفَافَ عاشقين بعد فرقة
وسط باقات دُعَا الطيبين
***
حروف اسمك
عقد منضوم بخيط النور
وطلة وردة من السور
ونغمة تنادى من طمبور
وشُعلة فرحة فى الوادي
تَشِع جَذلانة ليها شهور
***
حروف اسمك
وَكِت أشتاق وأرحل ليك
وأسرح فى عسل عينيك
بِتَحضِنّىِ
قَبُل ألمسَ حرير إيديك
تأرجِحنى... وتَفَرحنى...
وتخلينى أدُق سـ(صـ)درى
وأقيف وسط البلد واهتف
بريدك يا صَباح عمرى
……..
إنا لله ياخ