في التسعينيات من القرن الماضي كنت باقدم برنامج على شاشة تليفزيون اسكندريه اسمه "للشوارع حواديت" .كان اعداد صديقتي معدة البرامج الهايله جدا/دينا أبو العلا و مدير التصوير الرائع صديقي/ ماهر سعيد و اخراج صديقي المخرج الشاطر جدا/ ابراهيم زايد
صورنا في معظم احياء الاسكندريه....و كنا دايما بندور على اكبر الناس سنا علشان يكلمونا عن المكان ايام زمان
من ضمن الأماكن اللي صورناها...الابراهيميه
و المعروف ان الابراهيميه زمان كانت مقر لليونانيين
التقينا باسره يونانيه بس للاسف الحديث مكنش متسجل كاملا بس فيه جزء منه.
وسجلنا مع عم شحاته...اقدم بائع جرايد في شارع لاجيتيه....
و التقينا بالصحفي/علاء رفعت من ساكني المكان و معاه عم چورچ اللي كلمنا عن ذكريات المكان.
التقينا بصانع الاحذيه اللي من عشرته للاجانب تحدث كذا لغه
و أتقابلنا مع مجموعة من الرجال كبار السن....من مواليد الابراهيميه...كلمونا عن تاريخ المكان
و في النهايه سألنا.... تعرفوا الابراهيميه اتسمت بالاسم ده ليه؟
تعالوا نشوف الحلقه ...انا منتجتها علشان متبقاش طويله قوي. اتمنى تعجبكم
"للشوارع حواديت"