Сахабаларды айттып, түшүндүрүү кыйын. Биздин түшүнүктөрүбүздөн кыйла эле нары кетип, биз “мүмкүн эмес! болбойт!” дегендерибизди кудум бизге карап, күлгөн сыяктуу болтурган, биз кыла албаганыбызды кылган, бере албаганыбызды берген улуу инсандар алар. Бүгүн да мына ошондой өмүрү өрнөктөргө толгон сахабалардын биринин жашоосуна конокко барабыз. Пайгамбар имамы, ишенгендердин сегизинчиси, эң бай сахаба, көктө да жерде да саламаттуу болгон, бейиш менен сүйүнчүлөнгөн он сахабанын бири, Мээримдүү болгон Рахмандын кулу Абдрахман бин Ауфту айттып беребиз.