Кыргыз эли илгертен ырга жакын эл. Күйүтүн да сүйүтүн да ыр менен төгүп, ыр менен айтып берген элдин нечендеген акындары бар. Ал акындардын арасында акындык менен динди айкалыштырган аалымдары бар. Өткөн чыгарылышыбызда Арстанбек Буйлаш уулунун бейнесине үңүлгөн элек, эми бул жолкусунда өз заманынын көйгөйүн элге айтып берген даанышман, көп нерсени алдын ала көрө билген көрөгөч, айтылуу олуя Калыгул Бай уулуна кезек бердик.