شكرا لك علي المشاهدة , متنساش تعمل اشتراك في القناة وتفعل زر الجرس🔔 عشان يوصلك كل فيديو جديد .
https://www.youtube.com/channel/UCoaqq_xnY6hi81L7HEpgBvg?sub_confirmation=1
لو عجبك الفيديو متنساش تعمل لايك وشير
لمشاهدة مزيد من الفديوهات
https://www.youtube.com/user/bazoka404/videos?view=0
المقادير
(في حالة الشغل بالكيلو هتضاعفي المقادير والبيض مش مقياس علشان ازاي في النص كيلو 3 والربع 2 ده عادي )
بسكويت الزبدة
500جرام دقيق نجوم ابيض 4كوب
250جرام زبدة كوب زيادة معلقة
50جرام سمنة 2معلقة كبيرة مليانة
200جرام سكر بودرة منخول كوب وربع
3بيضات +فانيليا
4جرام بيكنج بودر نص معلقة صغيرة مليانة
في حالة لوعاوزين نضيف للطعم برتقال بنضيف نص معلقة صغيرة أسانس برتقال
بسكويت الشيكولاتة
150جرام زبدة تلت تربع كوب
100جرام سكر بودرة منخول تلتين كوب
235جرام دقيق 2كوب الا معلقة كبيرة
15جرام كاكاو اسباني خام معلقة كبيرة مليانة
2جرام بيكنج بودر ربع معلقة صغيرة
2بيضة +فانيليا
بسكويت جوز الهند
150جرام زبدة تلت تربع كوب
100جرام سكر بودرة تلتين كوب
2بيضة +فانيليا
235جرام دقيق 2كوب الا معلقة
15جرام جوز هند معلقة كبيرة مليانة
2جرام بيكنج بودر ربع معلقة صغيرة
الملاحظات
في حالة استخدام زبدة لورباك أو نيوزلاندي نتأكد أنها غير مملحة
اي نوع زبدة زي فيرن وخلافه اشتغلي
الزبدة في كل الحالات خارجة من الثلاجة لازم تنخلي السكر كويس جدا
تتأكدي أن القوام الزبدة مع السكر بقا كريمي وهش ورفع تنزلي بالبيض بيضة بيضة وده بخلاف الطرق اليومية السابقة تعرفي البيض اختفت ازاي أما تلاقي مفيش اي آثار سيولة
الدقيق المستخدم في كل الوصفات دقيق نجوم ابيض او دقيق خمس نجوم زي مابتقولوا وده سر بيحافظ علي قوام البسكويت
والقرمشة عمره مايرطب منقلبش الدقيق بالخليط كتير علشان ميشدش لازم لازم لازم تاخدي جزء من العجين بايدك اليمين وتخبطيها في ضهر ايدك اليسار بتلزق وكريمية لسه محتاجة دقيق تنزلي ب15جرام معلقة كبيرة وتراجعي القوام
بتحطي في الكيس علي قد قبضة ايدك علشان تعرفي تشكلي
عدم دهن الصواني باأي مادة دهنية اطلاقا
في حالة استخدام الصاج فا النوع المناسب للكحك والبسكويت وهكذا هوه( المجلفن)
عدم استخدام بلابل كبيرة علشان البسكويت لازم حجمه يكبر في الفرن وده ليل علي نجاحه الصنية لودخلت وخرجت زي ماهيا يبقي البسكويت مكتوم ومحجر فاتخلوا بالكوا
التسوية المظبوطة
فرنك سابق التسخين علي درجة حرارة 170مئوية
مش تسخنيه اووي وتهدي الحرارة لا هيفرش لازم يبقي يسخن علي الدرجة دي سخن دخلي الصنية بتاعتك علي الرف الاوسط
ممكن البسكويت يعرض زيادة عن اللزوم متقلقيش بدام ماشية ع الخطوات والملاحظات لانه بيلم بتكون الزبدة اتبخرت
ملحوظة النار من فوق هادئة جدا
لومفتحتيش الشواية اي بيحصل بتلاقي البسكويت مرطب وقت مايبرد ومن جوة مش مظبوط فاتخلوا بالكوا الصنية تخرج تدخلي باللي بعدها بياخد في الفرن 30دقيقة
ملحوظة
لوالبسكويت خرج من الفرن وماسك في الصنية ده عادي وطبيعي تسيبيه يبرد وتمشي من تحته اسكليبر هيطلع
تحفظيه بعد مايبرد في علب محكمة الغلق
ملحوظة اخيرة وهامة
عدم خلط أكثر من نوع دقيق معا