قريب جدًا هيدخل الخدمة 32 قطار جديد في خطوط #مترو_الانفاق ـ المهم في الموضوع ده إن القطارات الجديدة هيكون فيها وسائل متطورة بدرجة كبيرة ـ لكن الأهم إن في 10 قطارات من القطارات الجديدة هيتم تجميعهم وتصنيع أجزاء منهم في مصروالباقي في كوريا بالتعاون مع شركة #Hyundai_Auto في مصر.
من ضمن الوسائل المتطورة في المترو الجديد انه هيكون فيه طريقة سهلة لذوي الاحتياجات الخاصة واستخدام الكراسي المتحركة في الركوب والنزول ومقاعد فيها حزام آمان.
ومن ضمن وسائل الآمان إن هيكون في نظام مراقبة لكل عربية في غرفة القيادة وفي غرفة التحكم المركزية.
والجديد الـ بيحصل في مصر لأول مرة إن المترو هيشتغل بنفس نظام الطيارة كله اتوماتيك ماعدا نظام الاقلاع والوقوف هيكون التحكم لـ قائد المترو بالإضافة لمراكبة حركة القطار طوال الرحلة.
ده بجانب الوسائل الموجودة في المترو دلواتي ذي الشاشات التفاعلية في كل عربية واشارات الابواب وأنظمة الحماية المدنية ذي الإطفاء والانذار والتحكم في الابواب وخلافه.
امتى هيكون موجود "الله أعلم" ـ لكن الـ نعرفه انه قريب جدًا