محاوره من الطراز الثقيل ( شليويح المطيري ، سعد بن جدلان ) رحمهم الله الخفجي ١٩٨٢ م .
#سعد_بن_جدلان
شليويح المطيري كان يزها البشت والدشداش
ولكن طاح في لبس الفرنجي والكرفته
احسبه واحدٍ ينصى العرب وليا انتصر ينحاش
وعينته ثلاثه لابـ لا واحـد ولاسـتـه
.
#شليويح_المطيري
شلويح المطيري راس ذيب ماوراه اعراش
لياشاف الحرامي يطرده مايقرب الحته
حليلك يالعميل الي تفرشها بغير افراش
بعد ربي جمعنا خبزنا في الميدمه فته
.
#سعد_بن_جدلان
احد يرميك بالمدفع واحد يرميك بالرشاش
لكن السالفه يمكن يجيب الكحل ويكته
تدور للحيا مير الحيا فـي الشوك مايناش
قضى وقتك مربع مير لازادك ولازدته
.
#شليويح_المطيري
الايا الله تجنب عن سنعنا عملة الغشاش
وليا ميزتها ولانها مقطوعة الزته
لقيت الاكلبي في جيبه السكين والمنقاش
قصيّر مير اثره اليا وقف في الملعبه قته
#سعد_بن_جدلان
يقولون العرب مثلك يحشـون الذهب بخياش
خذاك الطيـش والعالم تلف الحب وتبته
تواعدنا على نبت الحيا لكن ماشفنـاش
ولاشفنا الشجر بلاورق بلعون ماهته
.
#شليويح_المطيري
انا بنشدك لو العود عندك صابه الهشاش
ابوك اللي خذاك اليا قصر بذراعه تمته
سوالف مانصدقها ولاتطري على الحشاش
اظنه لو يموت اتقلقله وتسوي الفته
.
#سعد_بن_جدلان
اليامني ذبحت العود ياشاعر مطير اعتاش
وبعطيك الشويّه منه في خرجه ومزودته
.
#المطران #الاكالبه #عيال_كليب
#التغالبه #التغلبي #حمران_النواظر
#بن_جدلان #بن_شلاح #اكلب
#بيشه #المحاورات #القلطه
#خلوها #الملعبه #محاوره
#محاورات #مطير
.
.