تعاليل الحصن / شعر نمر العدوان يتلوه الدكتور ظاهر مجلي الازرعي ومن بعده الشاعر عبد الكريم الشرمان..

تعليلة مضافة الحصن التراثية / متحف الحصن للتراث الشعبي تصبح احلى واحلى وخاصة مع اجواء الشتاء الجميلة وامطار الخير اللي زارتنا امبارح واليوم وجابت معها شوية ثلجات اللي وصلن بعض مناطق اردنا الحبيب وبالتالي انفرجت اساريرنا... وتجدد الامل بموسم زراعي جيد والخير انشالله جاي على الطريق تا يسعد اهلنا وبلادنا العذية.. فتعالوا يا اصدقاء نتعلل سوى ونفرح بوعود ومواسم الخير اللي جاي... و تعالوا نشرب سوى فنجان قهوة مطيبة ببهار الهيل.. وتعالوا نستمتع سوى بلقمة هنية من الرشوف الحصناوي وتعوا نسمع سوالف بعض وهرجة اكبارنا.. تعالوا نسمه القصيد والنغم الحلو.. وخلي الضحكة تنرسم على الوجوه الغانمة.... وكان ضيوف تعليلة الخميس الماضي 30/1/2025 نخبة من الشعراء والفنانين والرواة : دم. ظاهر الازرعي، الشاعر عبد الكريم الشرمان، الفنان حسين الشرمان، د. احمد طلفاح، الاستاذ كرم حداد، الاستاذ حيدر حداد، السيد نادر الربيع، السيد اكرم ملحم، السيد جهاد قندح وزميله المصور مصطفى، السيد محمد حبلة، المحامي مامون حبلة، السيد تركي حبلة، الفنان نضال حداد، السيد زياد حداد، الشاب فريد حداد ، السيد احمد الصقري، السيد معاذ حتاملة والسيد رضوان حتاملة وآخرون. اضافة للمعزبين السيد سامح حتاملة، الدكتور مازن مرجي #تراثنا_هويتنا #الحصن_تجمعنا #مضافة_الحصن_التراثية