„ათონი ათასწლოვანი“ -ს ლეგენდა ცოცხლდება არტარეას ეთერში!
დოკუმენტური ფილმი, რომელიც გიორგი კალანდიამ და გოგა გოგელაშვილმა, ათონის წმინდა მთაზე ერთ კვირიანი მოგზაურობის შემდეგ მოამზადეს. ფილმში შესულია ათონის წმინდა მთის სამი მონასტრის ზოგრაფის, ვატოპედისა და ივერონის უნიკალური კადრები. პირველად იხილავს მაყურებელი ათონსა და ზუგდიდის ვლაქერნის ხატში დაცული ღვთისმშობლის სარტყლის საოცარ ისტორიას. გადამღებ ჯგუფს საშუალება ჰქონდა ფირზე დაეფიქსირებინა ივერონის მონასტერში არსებული ქართველ ქტიტორთა ფრესკები, ფილმში შესულია ძვირფასი ქართული ხელნაწერების და ნაქარგობების ისტორია.