Төҥүлү Нөмүгүтүгэр Баишевтар дьиэ кэргэнинэн сүөһү-ас, сылгы иитэн олорбуттара уонча сыл буолан эрэр. Манна дьиэ кэргэн аҕата Николай Баишев, норуокка биллэринэн Бойсуоп Куола сүрүннүүр.
Николай Михайлович настаабынньык быһыытынан ыйааччынан-кэрдээччинэн сылдьан хаһаайыстыба тыын кыһалҕаларын туруорсар-быһаарсар. Ыал улахана Михаил Баишев ‒ "Сардаҥа” сылгы иитэр кэпэрэтиип салайааччыта. Кини Төҥүлү нэһилиэнньэтиттэн сылгылары түмэн икки сүүстэн тахса сылгыны көрөр-истэр. Кыра уоллара Альберт Баишев ынах сүөһүнэн бааһынай хаһаайыстыба салайааччыта.
Баишевтар Нөмүгүгэ аан маҥнай тахсалларыгар 27 сүөһүлээх саҕалаабыт буоллахтарына, билигин 105 сүөһүнү кыстаттылар. Мантан ыанара 40-ча, онтон 20 ‒ саха ынаҕа. Биир саха-симментал хааннаах оҕустаахтар. Быйылгы кыһыны туоруурга 90 туонна оту бэлэмнээбиттэр, сороҕун атыыласпыттар. Билиҥҥи туругунан 13 ынах төрөөбүт. Күҥҥэ 40‒50 кг үүт ыаныллар.
Подробнее: https://ulus.media/article/45952