ياعمه زينب /ملاعلي سلمان الخيكاني //موكب مصائب كربلاء /اهالي السماوة
الحسابات الرسمية لموكب مصائب كربلاء
التليجرام |Telegram
https://t.me/mkahmed
الانستاگرام | lnstagram
https://instagram.com/maseb.f?utm_medium=copy_link
الفيس بوك |Facebook
https://www.facebook.com/profile.php?id=100063478669474
ياعمه زينب والينه وينه
هاي العساكر هدت علينه
هم يدري بينه ضعنه بلياه
مو هذا طبعه يهضم سكينه
يمته يرد ويشوف اشجرالي
انه بدونه مو هوه حالي
ما اكدر اصعدها الناكه هزله
وما اكدر امشي اله اويه والي
عمه .. والدي وينه .. رادته سكينه
خل يحضر النه
عمه .. صعدتي زحمه .. وضلتي هضمه
بلايه اهلنه
عمه ابجي بس ابجي بسكوت
ابلايه والدي والله اموت
(شيعتي) طلع من نحره صوت .. ذكروني بالماي
ماكو ماي اشربه واذكره
راح اذكره لو دمعي جره
يدري بيه اضن متمرمره .. جا ليش ماجاي
___
نايم ابوي وماضنه سالم
ماردت اكعده وخليته نايم
فز اعله الصوت الناكه ونضرني
من يمه مرو ضعن الفواطم
مروني منه وكلبي لزمته
كدامي هوه بس ماعرفته
ياعمه هذا الطايح ابونه
خليني انزل غير انه بنته
كتله .. امن الهضم ردتك .. تفل حبل بنتك
راحت غريبه
كتله..مااضن سهله..طفله ع هزله
والله مصيبه
منه من امر كلبي يصيح
امن الهزل شفت طايح ذبيح
بس اشاهده منها اطيح.. ماعندي حل غير
عمه مابقه صعب ومحال
عمه هذا ابوي العالرمال
طايح وضعننه عنه شال .. صوب الفله يسير
......
ياعمه وين الدك صدره النه
وين الهواشم وين الكفلنه
ياعمه راحت كل العشيره
ضلو عرايه ع الغبره أهلنه
أمن يُجيب العالناكه مضطر
والكوفه شبسرعه تنسه حيدر
حبلي وجعني صح عمه زينب
بس فكد ابوي اليوجعني اكثر
وينه .. الوالي وجفوفه.. اوصلنه للكوفه
مجتوفه ادينه
انه ..حيل متعوبه .. السبي ودروبه
أشسوه بينه
عمه عالهزل كل لحضه عام
وادخل الضهر ديره حرام
استفحل الضوه واحنه خيام.. ياعمه صعبه
هذا شامت وذاكه غريب
بنصهم احنه ماعدنه مجيب
الحادي بالضعن ياخذ يجيب.. والديره غربه
___
هوايه مشينه وماندري المن
نمشي ورماح اهلي ويانه يمشن
بهالديره عمه مأمن منلكه
وغير الخرابه ماعدنه مسكن
ملجومه روحي بشام وعذابه
من يا زمن ادخل للخرابه
ضعن النبي ميصير اعله هزله
بنص الأجانب حادينه جابه
كلبي .. اخ يا كلبي .. وكملت دربي
جا موتي يمته
كلبي .. مات بحزانه .. عيد ملكانه
والضيم شفته
ادري كلبج أتأذه وينوح
بس أنه اشكي الج المن اروح
صعدت الخلك فوك السطوح .. يشمرون الاحجار
وبالخرابه ما يصلح انام
نومت الترب مو عالمرام
ونضرة الغرب مثل السهام .. ضعن الله محتار
___
رد الضعن بس يا رده هايه
لا جابه كافل لا فوكه رايه
زين العباد وصاح ابن حذلم
كله انعه اهلنه الراحو ضمايه
صاح بنداءه هاي المصيبه
يا أهل يثرب زينب غريبه
وضعن الله يمشي ومحد ينصره
فاكد عشيره وفاكد مُجيبه
راجع .. ومارجع كله .. اهناك جم طفله
مدفونه بالشام
راجع .. أجساد بس يمشن .. ارواحهن ضلن
بنص كربله اخيام
وفجأه لن اجت ام البنين
وصاحت بهضم وين الحسين
وهالحرم اجت كافلها وين .. جا وين عباس
والمصيبه هاي ومن اجت
اتعدت اعله زينبنه وجزت
نهضمت العقليه ودنكت .. ومشيب الراس