БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Өскеменде «Торпеда» хоккей командасының жас қақпашысы Иван Пыленоктың өліміне қатысты сотқа дейінгі тергеу аяқталды. Бірақ 19 жастағы марқұмның ата-анасының көңілдеріне істің жарты жыл қаралуы күдік ұялатқан. Сондықтан олар кінәлі адам жазадан сытылып кете ме деп алаңдайды. Алайда облыстық полиция департаменті сараптамалардың қорытындысы кеш шықты деп отыр. Енді қайғылы оқиғаға құқықтық бағаны сот бермек.
Иван Пыленок отбасындағы жалғыз ұл. Ол төрт жасынан бастап хоккеймен шұғылданып келген. Ата-анасының айтуынша, осы спортқа келгелі қақпашы болыпты. Таныстары марқұмның ақкөңіл әрі хоккей десе ішкен асын жерге қоятын жан болғанын айтады. Алайда, 19-жастағы жас спортшының өмірі қыршыннан үзілді...
ТАТЬЯНА ПЫЛЕНОК, марқұмның анасы:
- Бізді бір ғана сұрақ қатты алаңдатып отыр. Іс ұзаққа созылып жатыр. Осы уақытқа дейін төрт тергеуші ауысты. Күдікті құтылып кете ме деп алаңдаймыз. Тергеу әділ өту керек.
Жақындарының айтуынша, былтыр тамызда оқу-жаттығу жиындарынан кейін Иван спорт кешеніне барған. Және «Торпедоның» жоғары жастағы командасының ойыншысы Андрей Логуновпен арада жанжал туындаған дейді ата-анасы. Ерегесіп, бір-бірін жұлқылаған жігіттерді күзетші арашалаған көрінеді. Туыстарының сөзінше, сол сәтте Иван есінен танып құлап қалған екен. Осылайша команда хоккейшісінен, ал ата-анасы жалғыз ұлынан айырылып қалады. Бұл іс бойынша тергеу жарты жылға созылған. Марқұмның әке-шешесі "абайсызда қазаға ұшырату" бабын ауыстыруды сұрайды.
СЕРГЕЙ ПЫЛЕНОК, марқұмның әкесі:
- Оның өмірінде ештеңе өзгерген жоқ. Ол жарыстарға қатысып, команда құрамында ойнап жүр. Қазір оған жеңіл бапты қойды. Және оны өзгертпеді. Қанша уақыт өтті? Екі рет Бас прокуратураға хат жазылды, бір рет Президент әкімшілігіне. Міне, осы үшін, бапты өзгерту керек, оны қамауға алу керек деп талап етеміз.
Күдіктінің өзі маған негізсіз айып тағылды деп есептейді. Андрей Логунов керісінше марқұм құлаған сәтте көмектестім деп ақталды.
АНДРЕЙ ЛОГУНОВ, күдікті:
- Иванның құлағанын көргенде, мен бірінші болып жүгіріп барып, оған алғашқы медициналық көмек көрсеттім. Менде оған зиян тигізу ниеті болған жоқ. Мен шын жүректен оның отбасына қайғырып көңіл айтамын. Қазір сот процестері алда және мен ол жерде бәрі анықталатынына үміттенемін. Егер менің қандай да бір кінәм болса, мен жауапкершілікті көтеруге дайынмын.
Ал полиция тергеу аяқталды деп қысқа жауап берді.
ДӘУРЕН ИМАНМӘДИЕВ, ШҚО полиция департаменті тергеу басқармасының бастығы:
Аталған іс бойынша барлық қажетті тергеу әрекеттері жүргізіліп, бірқатар сараптамалар, соның ішінде комиссиялық сараптамалар өткізілді. Алдын ала тергеу аяқталды. Күдіктінің қылмыстық әрекеті анықталды. Іске қатысы бар адамдар материалдармен танысуға шақырылды.
ШҚО полиция департаменті тергеу басқармасының бастығы:
«Торпедо» командасының шабуылшысы Андрей Логунов жас хоккейші Иван Пыленоктің өліміне кінәлі ме жоқ па сот шешеді. Ал, хоккей клубының өкілдері сұхбат беруге құлықсыз.
------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық