ورغم انه كان ضابط مهندس لسه برتبة مقدم.. إلا إنه ولكفاءته وأهميته.. كان واحد من بين ناس قليلين جدا.. مسموح لهم يحضروا اجتماع العمليات العسكرية للجيش كله.. برئاسة اللواء محمد عبد الغنى الجمسى.. واللى بقى مشير بعد كده..
مش بس كده.. فاروق الفقى كان مترشح للإشراف الفنى على الفريق اللى هيقطع أنابيب النابالم قبل عبور قناة السويس.. وكان من الضباط اللى هيعرفوا ساعة الصفر لحرب أكتوبر.. لأنه زى ما قولنا كان واحد من الضباط القليلين اللى بيحضروا اجتماعات غرفة العمليات..
وفى يوم من الأيام يفاجئ اللواء فؤاد نصار اللى كان مدير المخابرات الحربية وقتها.. بضابط مخابرات عامة اسمه محمد رفعت جبريل داخل عليه مكتبه..
وبيقوله صباح الخير يا فندم.. فى عندكم ضابط اسمه فاروق الفقى.. قاله مضبوط.. ده واحد من أكفأ ضباط الجيش.. ماله؟.. قاله أبدا مفيش.. ده جاسوس للموساد الاسرائيلي..
المصادر
https://tinyurl.com/49jbmf8y
https://tinyurl.com/42nu5w8s
#هبه_سليم #المواطن_سعيد