لاتنسى الاشتراك بالقناة وتفعيل الجرص 🌹
كلمات مظفر النواب
أشكد نده نكط على الضلع ونسيت أكلك يمته
أشكد رازقي ونيمته
وأشكثر هجرك عاشر ليالي الهوى وما لمته
إنت السحنت الليل بكَليبي وكَـلت موش أنت
يامه التراجي مرجحن حسك الصافي وغفه
ويامه الدمع ضوه سواد العيون وعينك صلفه
وتدري تنيت الدفو بلهفه ورده
وما جيت ونيمني الثلج والشته كله أتعده
لا بالمحطة رف ضوه لاخط جانه من البعد
لا ريل مر على السده
والشته كله تعده كله تعده
وعلكنه للصيف اليجي روازينه السمره شمع
من ينزل أول الدفو بنيسان يهتز النبع
يمكن يخضر الضلع
يمكن بعد بالروح يا ريحان وصله تنزرع
والكيظ أجانه و أنكضه
والزلف هجرك فضضه
وما مش رجه
ولساع من همسه تجي من بعيد يخضر الضلع
كل نسمه ترفه من تفك الباب يخنكني الدمع
لساع ... ولذتنه أنكضت واهجس ع الكصايب شمع
وردود أكلك يمته؟؟
أشكد رازقي ونيمته
أملني يسمر بيك كل عمري أنكضه وأملته
حته خيالك بالحلم خايف يجي وأمنته
كل لحظه من هذا العمر وعت حسافه بكَلبي
يا أول الريحان يلعطيت نويه بدربي
يا أخر سواجي حنيني وحبي
من يوم طيفك هجر نومي ما نمت
حنية يا جذاب منك ما شفت
من ظني كضك بالحلم عنبر فحت
من ردت أجيسك جست روحي وفرفحت
أترف من أجفافي المهر
قندون ... ما ضايكَـ شكر
يا حلو يا بوسة سهر
يا ترف يا ييزي قهر
شيضرك بكل الشته الولهان لو صحوة مطر؟
والشته كله تعده
والكيظ هم أتعده
شجاب العشكَـ وشوده؟
لا بالمحطة رف ضوه
لا خط أجانه من البعد
لا ريل مر عا السده
ولساع مشدوده شبكتك عل الخصر
والركبه من تلتاف للبوسه جسر
بس أنت تدري شلون رصعة بالنحر
والشته شال شليله من يمنه عبر
واسألته عنك يا شته العشاكَـ ما عندك خبر
والكيظ أجانه و أنكضه ورد أنكضه
ورد كيظ أجه
والزلف هجرك فضضه
ورد فضضه
وما مش رجه
.
ALFURATE