خلاصة ضبط مسمار الهوا فى السكوتر . ظبط مسمار السلانسيه

http://bit.ly/scooterclinic حمل تطبيق اسأله وأجوبه عن الاعطال التى تواجهك ********************** ظبط مسمار السلانسيه ضبط مسمار الهوا #scooter #سكوتر هذا الكلام ينطبق على سكوتر حوا r8 الخلاصه . هتيجى عند مسمار الخلط وتقفله تماما ولكن انصحك تحفظ عدد اللفات اللى هتربطها عشان لو مظبطش معاك ترجع تفتحه نفس عدد اللفات تانى انا كان بيجيلى سكوترات مسمار الخلط بتاعها وانا بربطه كنت ممكن اعد ٦ نصاص او ٧ تنصاص وممكن اكتر عشان كده متنساش تحفظ عدد اللفات وانت بتربطه وخصوصا ان مش كل الكربراتيرات تصميمها واحد ومش كل مسامير الخلط طولها واحد فضرورى جدا تحفظ عدد اللفات عشان ترجعه زى ماكان لو مظبطش معاك نكمل بعد ما ربطناه للاخر هترجع تفتحه لفه كامله زى محنا شايفين فى الفيديو كده اللفه الكامله دى يعنى نصين ومش شرط لفه واحده ممكن لفه ونص او لفتين وكده كده هتغير فيه بعد الدواره هتفك مسمار السلانسيه لغاية مايبعد عن البوابه وترجع تربطه من عند اول ما يلمس البوابه تعد لفتين كاملين والاتنين دول كافين عشان الموتور يشتغل هتدور الموتور لمدة خمس دقايق عشان يسخن وبعدين تبدء توطيه لو عالى وتبدء تعمل عملية الظبط بين مسمار الهوا ومسمار الخلط هتوطى مسمار الهوا بالراحه لغاية ما تلاقى دورة الموتور هديت وبقت ثابته معاك لما تحس انه هيبطل طبعا هتربطه براحه لغاية ما تثبت الدواره معاك وتروح على مسمار الخلط هتفتحه سنه سنه وتستنى عليه شويه لان الموتور بياخد وقت عشان يستجيب للامر ولو حسيت الامر اسوء ارجع لف المسمار فى الاتجاه المعاكس وهكذا لغاية ما تحس انه ظبط معاك والدوره مرتاحه وثابته وهاديه وكارك بنزين جامد من وقت للتانى وانت بتظبط وسيب مره واحد عشان تشوف هيبطل ولا لا وطبعا المفروض ميبطلش ولكن هو لازم هيبطل ولما يبطل هترجع تدور وتكمل من تانى كل ما تظبط مسمار تعمل نفس الحركه لغاية ما تلاقيه مش بيبطل معاك والدوره مرتاحه وثابته وهاديه وانت مستقنيص ولو مستقنيصتش ابدء من اول وجديد لغاية ما ودانك ترتاح لسمع الموتور وميبطلش معاك وانت بتزود وتسيب ملحوظه مهمه جداااا لو ظبطت الكربراتير على عدم نضافه او على فلتر هواء مش نضيف او بوجيه مش نضيف كل ده هيأثر على ظبطة الكربراتير طبعا والمفروض انك تكون عرفت الكلام ده من الفيديوهات وتكون عرفت كمان انك ممكن تحتاج تظبطه من جديد لما تغير فلتر الهوا لأنه ممكن يكون اداء فلتر الهوا الجديد مختلف عن اداء الفلتر القديم ولو هتنضف الكربراتير الاول يبقى خلى بالك وانت بتدور اول مره هيغلبك فى الدواره لانه بيكون فاضى من البنزين وعندنا فيديو على القناه فى اللينك ده هتعرف منه ازاى تدوره وهو فاضى من البنزين https://youtu.be/f1evOYU-kjs الموضوع محتاج شوية سنس وشوية خبره يعنى مش هيجى معاك من اول مره فلا تيأس لو عندك ار بى ام اظبط عليه من ١٫٥ الى ٢ باقى عندنا نقطه مهمه جدا برضه هتفرق معاك فى التجميع ودى هتكلم عنها فى الفيديو اللى جاى ان شاء الله لايك وشير لو استفدت استودعكم الله والسلام عليكم ورحمة اله وبركاته #كربراتير_سكوتر #كربراتير #بكات_الكربراتير