أروووع و أرقى كريمة زبدة ممكن تجربوها، كريمة الزبدة السويسرية الفاخرة Swiss Meringue Buttercream

من أطيب كريمات الزبدة اللي ممكن تدوقوها و هي فاخرة فعلا لأن مكوناتها فاخرة و طعمها سلس و حريري.👌🏻 نيجي هلا للمقادير: 5 بياض بيض حجم كبير بحرارة الغرفة تقريبا 180 جرام 350 جم سكر ناعم الحبيبات مو البودرة هدا سكر بتجي حبيباته أنعم من العادي 500 جم زبدة حيواني 1 م/ خل 1/2 م/ص ملح فانيلا على حمام مائي بنضل نحرك سوا لحتى يذوب السكر تماااام فينا نكون لابسين جلفز أو جوانتي و ناخذ جزء من المزيج و نحسه بأصابعنا لنتأكد انه ذاب السكر تماما بهيك البيض بيكون تعقم معنا كمان، بعد هيك مباشرة بنشغل المكسر بالبداية سرعة متوسطة لتبدأ تتشكل عنا الرغاوي و بنضيف رشة ملح بنزيد السرعة و بنضيف معه معلقة كبيرة عصير ليمون أو م/ص بودرة تارتار أو م/ص خل انا ما بستخدم البودرة بكتفي بعصير الليمون أو الخل و هدا ليساعد على ثبات المارينغ معنا و نخفق على أعلى سرعة مدة 10 دقائق متواصلة لحتى يصل المارينغ للقمم الصلبة او stiff peaks و لازم الخلاط يكون برد تماما و وصل لدرجة حرارة الغرفة هون ببلش أنزل عليه ب 500 جم زبدة نوعية منيحة انا باستخدم لورباك تكون بدرجة حرارة الغرفة و مقطعة مكعبات و تدريجيا بننزل الزبدة لحتى ينتهي عنا المقدار ثم بنغير لمضرب K بنخفقها مدة 10 دقائق بغرض التخلص من الفقاعات الهوائية و لحتى نحصل ع القوام الناعم. فينا هلا نضيف الفانيلا أو النكهة اللي بدنا اياها أو شوكلا مذوبة بس انتبهوا تكون بحرارة الغرفة مو دافية أو صوص فاكهة مركزة أو حتى مربى أو زبدة لوتس أو نوتيلا أو ...... الخيارات كتير 😅 فينا نحتفظ فيها في البراد او حتى بالفريزر لأشهر لما تستخدموها طالعوها ع الكاونتر و اتركوها ترجع لحرارة الغرفة لحالها و بهالمرحلة لازم نخفقها بمضرب K لمدة لا تقل عن 10 #baking #cake #bakinglove #buttercream دقائق و رح ترجع متل أول لما تجربوها و تدوقوا طعمتها صدقوني ما رح تقبلوا بشي أقل منها ⛔️ملاحظة مهمة جداً لو حبينا نستخدمها للتغليف يفضل تكون بحرارة الغرفة لحتى تكون ناعمة و تفرد معنا بسهولة،، لكن لو حبينا نرسم فيها ورود البتر كريم أو اي تزيين اخر لازم نرجعها البراد و تكون باردة بتعطي نتيجة أفضل👌🏻 ⛔️ملاحظة: لو حابين لونها أبيض من هيك بنضيف نقطة صغيرة جدااا من اللون البنفسجي و نخفقها منييييح لحتى يتمازج اللون تماما. ⛔️ملاحظة: كريمة الزبدة السويسرية جداا حساسة للحرارة يعني لو صفنا الزبدة قبل ما يبرد المارينغ تماما بيصير عنا شوربة زبدة 🤣🤣 و لو كانت الزبدة أبرد من المطلوب المزيج بيحبحب معنا فلازم نكون دقيقين بهالمرحلة #swissmeringuebuttercream #buttercream #bake #cake #cakeartist