الشحوب الي على وجيه المباني
شال حمل البوح يالسان المدينة
والحفيف الي مع الريح اليماني
عانق الشرفات واشجانا ونينه
واستهاض الورق وأسرف بالاغاني
وجاوبت نوحه زواياك الحزينة
وانكفا بعضك على البعض الطماني
شرهة الي ذاق من خله غبينه
ومالت أم الخير 🌴 لاطراف المحاني
تستحث السيل يوم أبطت سنينه
وانكسار الشامخة عقب التفاني
يختصر طبع الزمن زينه وشينه
وش خذيتي يالعجاف من السماني
ما بقى الا صورة الذكرى سمينة
يا مدينة والحنين أغرى المحاني
لك تفج أبوابها العوج الرصينه
صغت فيك النادرة در وجماني
شاعر جور الزمن بيح كنينه
والكلام الي ركب صهوة حصاني
ما ترك في خاطري عبرة دفينة
اسكبيني دمع في خد الزماني
واكتبيني بوح في غرة جبينه
واحضنيني في مداهيلك ثواني
ذكريني قسوة الماضي ولينه
ذكريني عهد ذربين اليماني
يوم ر #قطعت اس المال للرجال دينه
قبل فوعات الحضارة والتداني
قبل لا تغتال فالناس السكينة
صاغوا التاريخ في أسمى المعاني
شيدوك جدودنا لبنه وطينه
وفيك صرّمنا بواكير الأماني
وفيك عانقنا المحاصيل الثمينة
وفيك باقي عطر من عذب الثماني
سيد كل الغيد كانك تذكرينه
كلما زمّيت للدنيا زواني
طاري ال #محمد_ ي ما فخت قلبي كمينه
مشفيً بالحيل للغصن اللياني
كان غيري ما قطف خوخه وتينه
والله اني ما نسيته لو نساني
لو بغاني من يساره في يمينه
غارق بذكراه يا كل المواني
شوقي الطوفان وأحضانه سفينه
عبدالمحسن عبدالله المشاري
#وليد_ال عامر
#وليد_العامر
#وليد_آل عامر
#شيلات
#شيلات
#الشحوب
#وجيه_المباني