БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Бүгінгі шығарылымда:
Шымкенттегі Бозарық елдімекенінің халқы мемлекет меншігіне әлдебіреулер қол сұғып жатыр деп дабыл қақты. Айтуларынша, пайдалануға жарамсыз деп танылған ескі мектеп пен балабақшаға қарасты аумақ жекешеленіп кеткен. Халық екі гектарға жуық телімге әлеуметтік нысандар салынады деп ойлаған. Алайда үмітіміз ақталмай, ат шаптырым аумақ ұстағанның қолында кетіп жатыр деп ашулы.
МАҚСАТ ЖАҚСЫБАЙҰЛЫ, тілші:
- Төбесі опырылып, қабырғасы құлауға шақ тұрған бұл ғимарат сонау 1968 жылы пайдалануға берілген. Содан 2015 жылға дейін мұнда бүлдіршіндер тәрбиеленіп келген екен. Ал қазір балабақшаның күйі аянышты жағдайда. Қараусыз қалған мемлекеттік нысанның жері жеке меншікке өтіп кеткен дейді жергілікті жұрт.
МҰРАТ НАРМЕТОВ, Бозарық елдімекенінің тұрғыны:
- Бір кісі екі госакт шығарып алыпты. Бір-екі жылда оны біріктіріп алыпты. Одан кейін мектептің жеріне де кім алғанын білмейміз, бірақ госакт алған ол жерге де. 4 адам мемлекеттің жеріне госакт істеп алыпты.
СЕЙДАХМЕТ НАРМЕТОВ, Бозарық елдімекенінің тұрғыны:
- Сол жерлердің бәрі уже қазір қолға өтіп бара жатыр. Мектептің жеріне кіріп бара жатыр. Оны тексеретін, қарайтын адам болмай жатыр.
Бозарықтағы ескі мектеп пен балабақша, клуб сияқты пайдалануға жарамсыз нысандар бір ғана мемлекеттік актіге енгізілген. Оның соңғысын жуырда әкімдік апатты болған соң бұзып тастапты. Ал қалғанын сүруге сылтау іздеп жүргенде, әлдебір пысықайлар жекешелендіріп алғанын көріп, жағамызды ұстадық дейді жұрт. 2 гектар аумақты құжат жүзінде бөліп тастаған деп отыр халық. Мұны тиісті мамандар да растады.
ДОСАНҒАЛИ ЕРТАЕВ, Шымкент қаласы жер қатынастары басқармасының бөлім басшысы:
- 2020 жылы №269 қаулымен жер комиссиясының қорытындысы негізінде осы бұрын балабақша болған жерге осы жер беріліп отыр. Кадастр нөмірі 22330 029205 санды кадастрмен, сатып алынбаған, жер комиссиясы қорытындысы негізінде алған.
Тағ бір қызығы, бір адамға 10 соттық емес, бірден 20 соттық жер берілгені күмән келтіреді дейді көпшілік. 5 жыл бұрын жекеге кеткен телімді жер қатынастарының мамандары тек бүгін ғана біліп, жер ресурстарын басқару департаментіне тексеруге жөнелтіпті. Ал әкімдік өкілдерінің айтар өз уәжі бар.
МЕЙІРЖАН АЖЕДИН, Абай ауданы әкімінің орынбасары:
- Бұл жерге отырғызылған гос акт шеттен смещениеден келген гос акт. Оның өзінің орны бар. Бұл жер мемлекеттік баланстағы садиктің жері деп бізге ауызша жауап берді.
Қалай болғанда да жауаптылар жуық арада көпшілік көтерген күрделі мәселеге нақты нүкте қоюы тиіс. Ал әзірге ескі мектеп жабылғалы мұндағы оқушылар 3 шақырым жердегі білім ошағына барады. Бөбекжай да тура сондай қашықтықта. Емханамыз да да алыс дейді жұрт. Сондықтан көпшілік бұл аумаққа халықтың кәдесіне жарайтын әлеуметтік нысандар салып беруді сұрайды.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық