جولة مع أبو منصور إلى شلالات نياجرا 🇺🇸 ( 17 تحت الصفر 🥶 ) تجمدت !!
حياكم في قناتي موحا فلوق اليوم في جولة مع أبو منصور إلى شلالات نياجرا 🇺🇸 مشاهدة ممتعة ..
يا هلا فيكم حبايبي في فلوق جديد على قناتي موحا فلوق اليوم مغامرتنا مختلفة تماماً، لأننا قررنا زيارة واحدة من أجمل وأشهر شلالات العالم، شلالات نياجرا، اللي تقع بين أمريكا وحدود كندا لكن المفاجأة كانت في درجة الحرارة اللي نزلت إلى -17 درجة مئوية الجو كان حرفياً ثلج ❄️، والتجربة كانت جنونية بمعنى الكلمة طبعاً ما كنت في هذه المغامرة لحالي، معي صديقي أبو منصور اللي عاش التجربة معاي بكل تفاصيلها، من السفر الطويل إلى مواجهة البرد المجنون.
بدأنا الرحلة من أمريكا، وتوجهنا نحو الحدود الكندية، والهدف كان واضح.. نشوف جمال شلالات نياجرا في فصل الشتاء. الطريق كان مليان بالثلوج، وكل شيء حولنا مغطى بالجليد، وكأننا داخل فيلم عن القطب الشمالي تخيلوا، حتى السيارات كانت مدفونة تحت الثلج، ودرجة الحرارة كانت أقل من -17، الجو ما يمزح أبداً
أول ما وصلنا إلى المنطقة المحيطة بالشلالات، الصدمة كانت حقيقية منظر المياه المتجمدة شيء لا يوصف كأننا أمام لوحة فنية عملاقة، كل شيء أبيض، والمياه تتدفق وسط الجليد حتى أبو منصور وقف مذهول وقال: "ياخي مستحيل هذا طبيعي" المشهد كان فعلًا لا يوصف، وكأنك تشوف عالم آخر، وشلالات نياجرا بهذا الشكل كانت شيء خرافي لازم ينشاف على الطبيعة
طيب، المنظر كان رهيب، لكن خلوني أقول لكم الحقيقة.. البرد ما كان طبيعي أبداً أنا وأبو منصور كنا حرفياً نحاول ندفّي أنفسنا بأي طريقة ممكنة، لكن حتى التنفس صار صعب، الهواء كان مثل السكاكين، يقطع الوجه واليدين من شدته. كنت أحاول أتفاعل معكم وأصور، لكن أصابعي كانت تتجمد بسرعة، حرفياً تحس إنك في صراع مع الطبيعة
حتى الطرق كان لها طريقة تنظيف خاصة بسبب البرد، اكتشفنا أنهم يرشون ملح معين على الأسفلت حتى يذوب الثلج، لكن مع ذلك، بعض الأماكن كانت زلقة بشكل مخيف ياخي كيف الناس هنا يعيشون في هذا الجو؟ أمريكا بلاد الفرص، لكن ما توقعت أن يكون عندهم هذا التحدي اليومي في الشتاء
بعد استكشاف الشلالات من الجانب الأمريكي، بدأنا نفكر: ليش ما نروح نشوف الشلالات من جهة كندا؟ هنا بدأت مغامرة جديدة، قرر أبو منصور أنه يدخل كندا، والسبب؟ بس علشان يجيب عشاء 😂 متخيلين؟ طبعاً أنا ما اقادر اروح حتى ما احط نفسي في مواقف محرجة ، المهم بلد ثاني عشان وجبة طبعاً عند الحدود الكندية، العسكري استغرب من طلبي وقال: "إيش جايبك؟" فكان رد أبو منصور بكل بساطة: "رايح أجيب أكل من كندا"، ضحك وقال لي: "الله يعينك على الجو" 😂
وصل أبو منصور كندا، وبدأ يبحث على مطعم يستاهل التعب، واختار مطعم مشهور عشان جرب أكلهم، وطلبت شاورما وسندويتش حلومي الصدمة؟ الأسعار في كندا غالية مقارنة بأمريكا لكن الطعم كان رهيب جداً ، وفعلياً كان يستاهل كل هذا التعب بعد ما خلصت، رجعت إلى أمريكا ومعي العشاء، وانا الصراحة كنت مستغرب جداً من الرحلة المجنونة اللي سوها أبو منصور بس عشان أكل هههههه
في اليوم الثاني، صحينا بدري وكان عندنا تجربة ثانية، وهي نشوف شلالات نياجرا في ضوء الصباح الجو كان أبرد من الليلة اللي قبلها، لكن المنظر كان أجمل وأوضح. شفنا الفرق بين الجانب الكندي والأمريكي، واكتشفنا أن شلالات أمريكا تعطيك زاوية مختلفة عن الجانب الكندي، والمشهد هناك فخم بطريقة ما تتخيلها حتى الثلوج اللي حول الشلال كانت متجمدة بطريقة خيالية، وكأننا داخل قصة من عالم ديزني
بعد ما انتهينا من الاستكشاف، قررنا نرجع إلى نيويورك، لكن الطريق كان طويل جداً، أكثر من 6 ساعات سفر وقفنا في طريقنا عند كوفي شوب مشهور في أمريكا وكندا، وهو "تم هورتنز"، وجربنا قهوتهم مع بعض الحلويات، صراحة كان ختام مثالي لهذه المغامرة العظيمة أبو منصور قال لي: "ياخي ما تخيلت إن الرحلة بتكون كذا ممتعة، حتى مع البرد المجنون" وفعليًا، الرحلة هذه كانت مغامرة من نوع ثاني، من اللحظات اللي بتبقى في الذاكرة طول العمر
يا جماعة، هذه الرحلة كانت واحدة من أجمل الرحلات اللي سويتها في حياتي، من الانطلاق من أمريكا، إلى تجربة البرد القارص عند شلالات نياجرا، إلى عبور أبو منصور من أمريكا لحدود كندا بس عشان الأكل، واخيراً العودة إلى نيويورك المغامرة كانت جنونية بكل تفاصيلها، وأكيد بتكون ذكرى جميلة لي ولـ أبو منصور.
إذا أعجبكم هذا الفلوق، لا تنسوا تدعمونا بلايك وتشتركوا في قناتي موحا فلوق عشان المغامرات الجاية بتكون أكبر وأحلى 😍🔥
_________________________
تابعوني على السوشال ميديا : https://direct.me/mohavlogg
تابعوا قناة أبو منصور : https://youtube.com/@abu5me
_________________________
#امريكا
#شلالات_نياجرا
#موحا_فلوق