كلمات الأمير الفارس | ضيف الله بن تركي ابن حميد :
يالله ياللي نطلبك دايم الدوم
يا مخلف النيه بنقض العزايم
الكبد ما تقبل من الزاد مطعوم
من شافني كني عن الزاد صايم
البارحة عيني قزت عن كرى النوم
يوم الثريا خايلت للنعايم
تخالفن بالقلب قالات وهموم
يوم الشكاله ما تهم البهايم
بالليل اهوجس لي بقالات وعزوم
للروح خلاقٍ وللعمر سايم
ذولا نصالحهم وذولا لنا قوم
وأكوان يشبع غبها كل حايم
حتى سكنا نجد من غير معلوم
بصولات تلقى به صفى الجو غايم
يا نجد والله ما نزلناك بسلوم
ولا انتـه بورث جدودنا بالقدايم
يا نجد اخذنا فيك حق ومرسوم
وصفى جنابك عقب نطل العمايم
خذناك عقب مدارك العمر والسوم
سوم يخسر لابسات اللثايم
كم خايع بين الحفيفين ماسوم
كل يباه وواصلين الكظايم
عاداتنا نرعى الخطر دايم الدوم
يرعى دبشنا فيه والحظ قايم
نرعى بربعٍ كنهم دولة الروم
مركاضهم بالضيق يجلي اللوايم
لا صاح صياح الضحى جن حثلوم
الخيل بالفرسان عجلاً همايم
يا زين سجتنا على الفطر الكوم
يوم بلاش ويوم جبنا الغنايم
نوّ الخيال مسرّح من ضحى اليوم
أمطر وسيله دم روس العدايم
#نجد #نجد_العذيه #ابن_حميد
#تركي_ابن_حميد #عتيبه #عتيبة
#المقاطي #العتيبي #برقا #روق
#شيلة #شيلات #قصائد #قصيد