صدفة بلا ميعاد ربي جمعنا
انا وابو ناصر وخل على الدين
ماهوب جاهل باخص كل معنا
ممشاة بأصول ونظام وقوانين
جانا السفر وانا بعد ماشبعنا
من بعضنا قلبي وقلبه ضميين
ثم تشاكينا ولا أحد سمعنا
في ساعة عنا هل القول لاهين
دنيت منه وقلت لأمرك خضعنا
روحي وعيني لخدمتك مستعدين
سود الليالي الظالمة مزعتنا
تمزيع ثوب طامعين به ثنين
شافت عيونك مابه احد نفعنا
وهم السبب بفراقنا من زمانين
انا وانت في بحر المودة طبعنا
وشفنا الشقى من عقب مانا سعيدين
ومابعد داب في البحر مالسعنا
لكن بعون الله هزمنا ثعابين
سطح القمر لو فيه بيت طلعنا
ارتاح وانتي ياحياتي تردين
ماغير انا وياك والعود معنا
زادي خدود وماي بين الشفاتين