تحول من عبد الى زعيم للمغول عمر الشريف في دور جنكيز خان ملخص فيلم Genkis khan
النجم العالمي عمر الشريف بيقوم بدور جنكيز خان مؤسس دوله المغول في واحد من اجمل أدواره في فيلم كلاسيكي ممتع ملخص فيلم Genkis khan جاموجا قائد قبيله الميركيتس بيقتل ابوة قدامه وبيلبسه طوق حوالين رقبته لحد مايكبر وبيتكمن من الهرب وبيبداء فى تجميع المغول علشان يعمل منهم امه وهدد بيها جميع الامبراطوريات فى الوقت دة لكن كالعاده الدوله الاسلاميه بتصد اى تهديد همجى وبتكسر شوكه المغول فى معركه عين جالوت بقيادة الملك المظفر سيف الدين قطز.
عمر الشريف بيقوم بدور الاب يوسيجاى زعيم احدى قبائل المغول اللى بيموت قدام ابنه فى بدايه الفيلم على ايد زعيم قبيله الميركيتس جاموجا اللى بيحكم على الابن تيموجين انه يلبس طوق حوالين رقبته ويقضى حياته فى الاغلال وكبر الولد الصغير وبيقوم بدورة عمر الشريف ايضا وبيتعرض لسخافات الاطفال فى قبيله الميركيتس لانه معاقب بالطوق اللى حوالين رقبته كان عايش مع سانجم والعراف والمربيه بتاعته وفى احد الايام كان بيصطاد مع سانجام وفى بنات واولاد بيلعبو بالكورة وبتقع فى الميه البنت كان اسمها بورتى وكانت خطيبه جاموجا لكنها مش بنحبه بينزل تيموجين وبتجيب الكورة للبنت واخواتها بيحذروها منه لكنها بتمدله ايديها وتساعده يحرج بره الميه وهو بيكلمها بيجى جاموجا ويوقع تيموجين ويضربه علشان يهينه ويخليه يركع تيموجين بيستفز جاموجا ويخليه يفك الاغلال من رقبته وفى نفس اللحظه بيضرب تيموجين بالاغلال ويهرب وبيبداء يكون نواة لقبيله مغول من كل الاجناس لحد مابيوصل للصين وهناك بيبداء يلتصق بيه لقب جنكيز خان وبتبداء رحلته . الفيلم عاب عليه عدم الدقه التاريخيه لكنه يعد فيلم يستحق المشاهده