افضل الطعوم لصيد سمكة البلطى

السلام عليكم ورحمة الله وبركاته احبابى واصدقائى ومتبعنى على قناة المصرى او الجروبات او الصفحه الشخصيه يارب يكون الجميع بخير واحسن حال #الصيد بطعم الريم من أفضل الطعوم للأسماك وبالاخص اسماك البلطى وكمان فى حاجه لابد حضرتك تعرفها فى الزياده مثل هذه الايام ذى ماكلنا عرفين ان السمكه بتكون قليله جدا جدا لانها بتسكن الجزر،، محميه ربانيه طبيعيه #اما طعم الريم بيكون ليه رائى تانى لان الريم نوع من انواع الطحالب التى يتغذى عليها جميع الاسماك يعنى مش الدلوعه بس كل السمك بياكل الريم #أهم حاجه فى هذا التوقيت،، انك تنزل تستمتع وعليك ان تختار ادوار مثل بغله الكبارى مراكب مركونه مراكب غرقانه جروف طينيه غويطه جزر غويطه انزل اى أدوار واشتغل على الحجارى مفيش اى مشكله #كمان طعم الريم لابد تكون المايه متحركه حتى لو بطيئه #ناس كتير بتبقى جمبى واعرض عليه يشتغل بالريم يقول معرفش #مع ان محدش فينا كان يعرف محدش اتولد صياد لابد تحاول وتجرب الموضوع سهل جدا جدا لف الريم باى طريقه مره فى مره هتتعلم #المهم فى طعم الريم هو وزن الغماز لابد يكون على الشعره يعنى دقيق جدا والغابه تكون خفيفه وطريه والماكينه تكون صغيره #رمال طعم الريم لايذيد عن ٢٥ ممكن يقل يكون افضل ▪︎ حجم السنار حسب حجم الاسماك إللى بتقع على الطعم يعنى من مقاس ١٠ إلى مقاس خمسه #لابد يكون معك قطعتين قماش مبلله قطعه بها حتت ريم صغيره تشتغل منها والقطعه الثانيه فيها باقيت الريم علشان ميدبلش او يعسل من كتر ما تفتح القطعه أثناء طعم السنار #طول الرمال حسب عمق الارض ويستحب تضع قطعة رصاص قشر فى السنار إللى تحت وخليها بعد الرمال من ١٥ إلى ٢٠ سم وسيب السن الثانى بدون قشر #مهم جدا تسريح الغماز مع المايه ولذلك لأطول مسافه ممكنه ولذلك لابد يكون الخيط الموجود على الماكينه طرى مرن أفضل مقاس ٣٥ او ٣٠ #كل مكان الغماز صغير كل مكان أفضل وانتا بتسرح لو سمك ضرب الفله امسك عليه علشان يشرب الريم وينزل بالفله #جرب هذه الايام الصيد بالريم يمكن يجيب نتيجه فى هذه الزياده أهم حاجه الريم لو اتقصف ديما تطعم ديما تخلى الطعم كويس يعيب صيد الريم اغلب وقته بالنهار أشتغلت بالريم كتير أثناء الليل لكن حقيقى مع التجارب العديده سمكة الليل بتكون أكبر فى الحجم ولكن شرط الدور يكون قريب من اى اناره جرب اخى الغالى هذه الايام اخوكم محمد المصرى عاشق صيد،،، الدلوعه المعشوقه سمكة البلطى