जिथे सागरा धरणी मिळते तिथे तुझी मी वाट पाहाते

Suman Kalyanpur sings for JeevankalA
Putr[a] vhAvA aisA
P.SAvalArAm
Vasant Prabhu

जिथे सागरा धरणी मिळते
तिथे तुझी मी वाट पाहाते

डोंगर दरिचे सोडून घर ते
पल्लव पाचूचे तोडून नाते
हर्षाचा जल्लोष करुनी जेथे
प्रीत नदी एकरुपते

वेचित वाळूत शंख शिंपले
रम्य बाल्य ते जिथे खेळले
खेळाचा उल्हास रंगात येउनी
धुंदीत यौवन जिथे डोलते

बघुनी नभीची चंद्रकोर ती
सागर हृदयी उर्मी उठती
सुख दुःखाची जेथ सारखी
प्रीत जीवना ओढ लागते