Լոռի Բերդ համայնքի Ուռուտ բնկավայրում 40 տարուց ավելի է խմելու ջուր չկա: Գյուղացիները ջուր են կրում գյուղի միակ աղբյուրից, որտեղ սակայն ամեն օր ջուր չի գալիս: Որոշ տնտեսություններ ջուրը ստանում են հին, ավանդական եղանակով. նրանք իրենց բակերում ջրհորներ են փորել ու այնտեղից են ջուր վերցնում՝ էլեկտրական եղանակով կամ ինչպես հնում էին անում՝ դույլերով: Ամեն դեպքում սա հարցի լուծում չէ, որովհետև ջրհորի ջուրը խմելու համար պիտանի չէ: