ရှင်းကျန်း ဝီဂါတို့ အစ္စလာမ်ကို ဘယ်လို လက်ခံယုံကြည်လာကြသလဲ

(ရှင်းကျန်း) ဆိုတဲ့ဝေါဟာရ ဟာ ဒီနေခေတ် တရုတ်နိုင်ငံရဲ့ အနောက်ဖက် အစွန်အဖျားဒေသကို ကိုယ်စားပြုနေတာ ဖြစ်ပါတယ်။ ဒါပေမယ့် သမိုင်းကြောင်းအ‌ရ ဒီဒေသဟာ “ဗဟိုအာရှ” ရဲ့အစိတ်အပိုင်း တစ်ခု ဖြစ် နေပါတယ်။ ဒီနေ့ခေတ်အခါမှာ ဒီဒေသမှာ နေထိုင်ကြသူတွေဟာ အများအားဖြင့် အစ္စလာမ် ဘာသာဝင် မွတ်စလင်တွေ ဖြစ်နေကြရာ၊ အစ္စလာမ်ဗဟိုချက်မနဲ့ ဒီလောက်ဝေးကွာလွန်းလှတဲ့ ဝေးလံ ခေါင်ဖျားအစွန်အဖျား ဒေသတစ်ခုက ဘယ်လိုလုပ် မွတ်စလင်ဖြစ်လာသလဲလို့ မေးစရာမေးခွန်းတွေ ဖြစ်လာရပါတယ်။

အခု “ဗဟိုအာရှ” ဆိုတဲ့ စကားလုံးကစပြီး ဆွေးနွေးကြည့်ကြပါ့မယ်။ ဒီနေ့ခေတ် ကမ္ဘာ့မြေပုံအရ ကာဇခ်စတန်၊ ကာဂျီခ်စတန်၊ တာဂျခ်ကစ္စတန်၊ တူခ်မီနစ္စတန်၊ ဉဇ္ဇဘက်ကစ္စတန် ဒီနိုင်ငံတွေဟာ “ဗဟိုအာရှ” ကို ကိုယ်စားပြုကြပါတယ်။ သို့သော် သမိုင်းကြောင်းအရ ပြောကြမယ်ဆိုရင်တော့ နယ်ခြား မျဉ်းတွေက မှုန်မှုန်ဝါးဝါးနဲ့ ကွယ်ပျောက်သွားမှာဖြစ်ပြီး ပိုမိုကျယ်ဝန်းတဲ့ ဒေသအပိုင်းအခြား တစ်ခုကို မြင်တွေ့နိုင်ကြ ပါတယ်။ ဒီဒေသ အပိုင်းအခြားကြီးမှာ အဓိကအားဖြင့် အချက်နှစ်ချက်ကို ကျွန်တော်တို့ တွေ့နိုင်ကြ ပါသေးတယ်။ ပထမအချက်က ရှင်းကျန်းဒေသအပါအဝင် အထက်ကဆိုခဲ့တဲ့ ဗဟိုအာရှ ဒေသတွေဆိုတာက ရှေးပိုးလမ်းမကြီးရဲ့ လမ်းဆုံးလမ်းခွတွေ ဖြစ်ကြပါတယ်။ အိန္ဒိယ၊ တရုတ်၊ အရှေ့ အလယ်ပိုင်း နဲ့ ဉရောပ ကိုဆက်သွယ်ထားတဲ့ ကုန်းလမ်းကုန်သွယ်ရေးအားလုံး ဒီဒေသတွေကို ဖြတ်သန်းသွားလာရတာ ဖြစ်ပါ တယ်။ ဒုတိယအချက်က သူ့ခေတ်အခါက ပါဝါအာဏာ ကြီးလှပါပေ့ ဆိုတဲ့ အာဏာရှင်ဧကရာဇ်တွေ အများအားဖြင့် ဘယ်သူမှ ဒီဒေသကို မထိန်းချုပ် နိုင်ခဲ့ကြဘူး ဆိုတဲ့ အချက် ဖြစ်ပါတယ်။
-
-
-

အဲ့ဒီ အချိန်ကနေစပြီး ရာစုနှစ်တစ်ခုလုံး မငြိမ်သက်မှုတွေ၊ တော်လှန်ပုန်ကန်ခြားနားမှုတွေနဲ့ ရှိနေခဲ့ရာ ရှင်းကျန်းဟာ လွတ်လပ်တဲ့ မွတ်စလင်ပြည်နယ်တစ်ခု ဖြစ်တယ်ဆိုပေမယ့် တရုတ်နိုင်ငံပိုင်နက်တစ်ခုဖြစ် သွားခဲ့ပြီ။ အေဒီ (၁၈၈၄) ခုနှစ်ကနေစပြီး ကွင်းအင်ပါယာရဲ့ တရားဝင်ပြည်နယ်တစ်ခု ဖြစ်သွားခဲ့တာ ဖြစ်ပါတယ်။ ရှင်းကျန်း ဆိုတာ နယ်သစ်ပါယ်သစ်၊ နယ်နိမိတ်သစ်လို့ အဓိပ္ပာယ် ထွက်ပါတယ်။
-
-
___________________________________
Music by :
Sad Piano by LesFM | https://lesfm.net/
An Epic Story by MaxKoMusic |
https://maxkomusic.com/
_____________________________________
Reference by :
World history map & timeline
https://en.wikipedia.org/wiki/
-------------------------------------------------------------
ဤသမိုင်းတင်ပြမှုများတွင် အသုံးပြုထားသော တိုင်းပြည်၊ နိုင်ငံ၊ အင်ပါယာ ရုပ်ပြမြေပုံများ နှင့် သက်ဆိုင်ရာ နိုင်ငံ၊ အင်ပါယာ တို့၏‌‌အလံများ နှင့် သရုပ်ပြ အဆောက်အဦးတို့ကို ရှာဖွေတင်ပြရန်အလွန်အမင်းခက်ခဲသွားခဲ့ပြီဖြစ်၍ ၁၀၀% အတိအကျဖြစ်သည်ဟု မယူစေလိုပါ။ သမိုင်းကြောင်းများ တင်ပြရာတွင် နားလည်းလွယ်ကူစေရန် သရုပ်ပြရေးဆွဲထားခြင်းမျှသာဖြစ်ပါသည်။