طرق خشوم
غناء : فهد الحجاجي
كلمات : خالد البوعينين
الحان : حسن حامد
توزيع : مهند سيف
وثريات : تامر غنيم
إيقاعات : ابراهيم حسن
تصميم : أحمد المطاوعه
——————
طرق خشوم
منهو حشمنا عندنا محشوم
و ياشين حظ اللي يعادينا
ماهو بطيب الا بطرق خشوم
عدوّنا غصبٍ يصافينا
نكوي كبود أهل الردا بوسوم
فيها مياسمنا واسامينا
لطامة العايل على الخرطوم
اللي بغدره صار ناوينا
—————-
من خان هان ولا علينا لوم
لو تبتر أطرافه هنادينا
عود ذليلٍ منكسر مهزوم
معقّل اربع ماله معينا
ما ارتاح بال و لاهنا في نوم
يهج لا منا تعزوينا
يموت في غيضه وهو مهموم
يبطي ولا يلحق هقاوينا
—————-
تكرم الحانا عن ردا و سلوم
أهل الحكي اللي فعلهم شينا
طعّانة الأعراض سفلة قوم
أهل الخنا اللي ما تدانينا
ما همّنا هرجة حسد و ارخوم
هاذي عوايدنا و مبادينا
نرقى سنودٍ للعُلا و نشوم
عادات أهلنا و رث ما ضينا