Ош шаарында кызыл сызыкка чыккан курулуштарды алуу иштери жүрүп жатат.
Мэриянын маалыматына караганда, учурда Ленин көчөсүндөгү «Исламбек», «Атабек», «Кут ордо», «Анар» коомдук тамактануучу жайлары, «Азия» супермаркети, мыйзамсыз орнотулган тосмолор курулуш ээсинин өз эсебинен буздурулууда. Аны менен бирге А.Масалиев, Курманжан датка көчөлөрүндө да мыйзамсыз курулуштарды алуу боюнча иштер жүрүп жатат.
«Исламбек» кафесинин ээсине буга чейин мыйзамсыз курулушту түрттүрүү боюнча эскертүү берилген. Бирок ага карабастан бүгүнкү күнгө чейин тамактануучу жай алынбай турган.