أغاني طمبور
معاوية المقل
كلمات ...عثمان عوض ضرار
بخاف نتلاقى زى أغراب
نمشي علي الاسف واللوم
ونتفارق ونحن احباب
زمن أنا وأنتى وين ما نكون
يلاحقنا الهوى المجنون
ونتغالط منو الأطول من التاني
حنين وشجون
منو الوهب المحبه وطن
وادى الحب حواس و عيون
منو المشتاق منو المفتون
ونتعارف من الاول
واقول اسمي المعاي طول انا الاشواق
وامد قلبي الموله ايد علي الاشراق
ونتسالم سلام النسمة للمطر النزل دفاق
كنا زمان عصافير في المدي الواسع
تبدد وحشة الاغصان
كنا زمان عناوين لي فرح مرسوم
غناوي ودندنه والحان
اتلاقينا بين موج الاسف والخوف
مراكب ضايعه من خرطة مراسيها
غلبنا ارواحنا نقعد فيها او نقدر نواسيها
مرقنا علي الضياع اغراب
كاننا ما جمعنا الحب ولا في لحظه كنا قراب
ولا غنينا للدنيا غناوي الفرحه والترحاب
فراشات للربيع اخضر غمامات والمطر ينساب
واتلاقينا زي احباب
وحلت لعنه الفرقه بكينا علي بعض حرقه
نصبنا على العيون ماتم
بكينا بكينا ما هدهد بكانا عشم
بكينا علي وتر مذبوح
علي الحلم الرفض يحلم