فيات سيينا 🇮🇹 رحله فيات مع الاقتصاديه - تفاصيل كامله مميزات و عيوب | FIAT SIENA .

#فيات سيينا واحده من سيارات فيات و ال هنتكلم عنها بأستفاضه مميزات و عيوب ك #سيارات_مستعمله في #سوق_السيارات من قناه #سينما_السيارات ودا بعد كلامنا عن #لادا #دايو #بيجو #سوزوكي #سيتروين سنه ٩٦ ابتدت صناعه سياره جديده من فيات ضمن سياراتها الاقتصاديه وفي الرقت دا قررت فيات استهداف الاسواق الناميه فأنتجت الجيل الاول من فيات سيينا فيات سيينا استمر انتاجها في ايطاليا لسنه ٢٠٠٢ واتجمعت في بلاد تانيه زي تركيا و الصين و البرازيل و مصر والجيل التاني منها ابتدي تصنيعه بدايه من ٢٠١٢ بأسم جراند سيينا لكن فيديو النهارده هيبقي عن الجيل الاول منها السيينا كانت بتيجي بتصميم معاصر عشان يتماسي مع الاصدارات ال نزلت من شركات تانيه منافسه لفيات في الوقت دا ف من الجزئ الامامي جت بتصميم متميز بكشافات عريضه وفي المنتصف شبك التهويه اسفل الاكصدام ووسط الكشافات بيفصيلهم خط بعرض العربيه واعلاه علامه فيات اما الجنبين فكان بييجي مع منحنيات بسيطه وصدادات حمايه واعلي الصدادات خط بطول العربيه دا مع مساحات زجاجيه كبيره اما الجزئ الخلفي بييجي مع شنطه خلفيه كبيره وكشافات بسيطه جدا وصغيره في الجنبين وبيفصلهم خط عريض وغريب كدا ومن رأيي التصميم الخلفي للعربيه كان سيئ ومش متناسق مع التصميم بشكل عام تصميم العربيه جه مع ابعاد تتناسب الي حد ما مع حجمها فالسيينا كانت بتيجي بطول ٤ متر ٢١ وعرض متر ٧٣ و ارتفاع متر ٩٤ ووزن ١٠٧٠ وشنطه خلفيه بمساحه ٥٠٠ لتر دا مع امكانيه طي المقاعد الخلفيه بحجم جنط ١٤ بوصه دا مع معدل استهلاك من ٦ ل ١٠ لتر تقريبا لكل ١٠٠ ك وتانك بنزين بسعه ٤٨ لتر وتسارع من صفر ل ١٠٠ في ١٢ او ١٣ ثانيه تقرييا وسرعه قصوي من ١٦٥ ل ١٨٠ ك في الساعه و التسارع و السرعه القصوي بيبقي علي حسب نوع الموتور وقوته تصميم و ابعاد العربيه جه مع تجهيزات اساسيه وبسيطه تناسب مع سعر العربيه الاقتصادي زي سنتر لوك و تكييف وازاز كهربا وساوند سيستم وزي م كانت التجهيزات بسيطه كانت برده المواتير مقبوله فالسيينا كانت بتنزل ب ٣ انواع موتور الاول ١٤٠٠ cc ٤ سلندر ٧١ هورس باور و التاني ١٥٠٠ cc ٨٥ هورس باور و التالت موتور ١٦٠٠ cc ١٠٤ هورس باور . دا مع فتيس مانويل ٥ سرعات لو خلاص قررت تشتري السيينا يبقي لازم تفهم كويس مميزاتها و عيوبها وفي ٧ ميزات ممكن تكون دافع ليك انك تشتريها اول ميزه الاقتصاديه وانا هنا بتكلم في الاقتصاديه من ناحيه استهلاك البنزين و ال يعتبر مناسب بمعدل زي مقولتلك من ٦ ل ١٠ لتر تقريبا لكل ١٠٠ ك الموتور الموتور علي قدر متابعتك في الصيانه الدوريه وفي حاله انك حليت مشكله السخونه هتلاقي منه اعتماديه دا غير ان صوته ناعم وسحبه كويس المساحات الداخليه ومساحات التخزين فالعربيه مناسبه جدا للعائليه و لو معاك اصحابك او حد تبعك مش هتكسفك دا غير ان مساحه الشنطه الخلفيه مناسبه جدا وكمان مع طي المقاعد الخلفيه هتلاقي مساحه ممكن تنام فيها عشان كدا هتناسبك بشكل كبير لو معاك شنط او محتاجها لشغلك . المتانه و ننظام التعليق متانه الصاج ميزه فيها زي اغلب عربيات فيات ونفس النظام في العفشه فلو بتشيك عليها من وقت للتاني هتلاقي منها اعتماديه وتتحمل معاك . تجربه القياده العربيه سهله في السواقه لكن نصيحه بلاش تمشي بيها في المكسر كتير ودا عشان اعطال العفشه بتزيد مع عيوب الطريق اما بقي علي الطرق السريعه فالسحب يعتبر كويس لكنك هتلاقي بطئ شويه من صفر ل ١٠٠ دا غير ان اتزانها يعتبر كويس ومقبول لكن استبعد تماما انك تزود سرعه العربيه عن ١٠٠ . التصميم تصميم العربيه بيعجب ناس كتير خاصه مع سعرها المقبول ومن رأيي لولا بس العك ال حصل مع التصميم الخلفي للعربيه شكلها كان هيبقي ممتاز السعر سعر العربيه مقبول جدا وهيناسبك لو عايز عربيه تبتدي بيها وبعد كدا تغيرها . كلمتك عن المميزات ال ممكن تبقي دافع انك تشتريها تعالي بقي اقولك علي العيوب ال هتخليك متفكرش فيها اول عيب الموتور فرغم ان سحبه كويس وصوته مش عالي الي ان في عيب لو معالجتوش وارد اوي يزود اعطاله وهو السخونه العربيه بتسخن دايما خاصه مع المسافات لكن الحل موجود و ناس كتير مش بتفكر تعمله وهو انك تخلي المروحه تشتغل مباشر اول م العربيه تدور لكن اتأكد ان الخل دا مش هيأثر علي كهربه العربيه وانصحك تظبت كهربتها عند حد مختص وفاهم . الصيانه صيانه العربيه مش سهله واجزائها الميكانيكيه مختلفه دا غير ان حوض العربيه ضيق وبيصعب علي الصنايعيه الشغل فيها خامات التصنيع الخامات ال اتصنعت منها العربيه مش افضل حاجه ومع الاستهلاك هتلاقي مشاكل فيها البارومه برغم متانه الصاج الا ان البارومه وارد تنتشر فيها من وقت للتاني و المشكله دي معروفه يعني عن عربيات فيات . الاعتماديه العربيه مش اعتماديه ووارد يظهر فيها اعطال متيز خاصه لو اهملت عطل فيها ومتنساش مشكله الموتور ال اتكلمنا فيها لانك زو ملفتش حل هيبقي صعب تعتمد علي العربيه بشكل مستمر . قطع الغيار قطع غيارها مش منتشره بشكل كبير في كل المحفظات دا غير ان سعرها غالي اخر عيب اعاده البيع فطبعا بسبب العيوب ال قولتهالك اي حد هيعرفها هيفكر الف مره اذا كان يشتريها ولا خاصه لو مش هيعرف يتعامل مع عيويها