له پېښو سره د مبارزې آمادګۍملي ادارې سرپرست الحاج ملا نورالدین ترابي، د بیړنیو حالاتو د رئیس, قاري محمد خوشحال زماني، او د ورسره پلاوي په ملتیا، د وروستیو سېلابونو او د غره ښویېدنې له امله زیانمنو شویو کورنیو سره د غمشریکۍ, خواخوږۍ او هغوی ته د مرستو رسولو په موخه د ارزګان ولایت ګیزاب ولسوالۍ ته سفر وکړ.
په دې سفر کې، ترابي صاحب د ګیزاب ولسوال، ملا آمر حمزه حنفي، د سیمې مشرانو او زیانمنو کورنیو سره وکتل او د افغانستان اسلامي امارت د مشرتابه د تسلیت پیغام یې هغوی ته ورساوه او د پېښې د شهیدانو لپاره یې دعا وکړه. همداراز د 7 شهیدانو ورثه ته یې نغدي مرستې وویشلې.
ترابي صاحب د سیمې له خلکو قدرداني وکړه چې د جانبي مرستو د نه شتون سره سره توانېدلي، چې ټپیان او د شهیدانو جسدونه د نړېدلي کور له ویجاړیو راوباسي. نوموړي ټینګار وکړ چې اسلامي امارت تل د خپل ولس خدمت ته چمتو دی، او له خلکو یې وغوښتل چې د سېلاب په لارو او د ځمکې ښویېدنې په سیمو کې د کورونو له جوړولو ډډه وکړي.
د یادونې وړ ده, چې له پېښو سره د مبارزې آمادګۍملي ادارې سرپرست د هر شهید ورثه ته ۱۰۰,۰۰۰ افغانۍ (ټولټال د ۷ شهیدانو ورثه ته ۷۰۰,۰۰۰ افغانۍ) نغدي مرستې ووېشلې او د ګیزاب ولسوال د یادو شهیدانو کورنیو ته ۵۰,۰۰۰ افغانۍ مرستې ووېشلې.
ورته محال، الحاج ملا نورالدین ترابي، ارزګان ولایت ته د خپل سفر په ترڅ کې د یاد ولایت له پېښو سره د مبارزې آمادګۍ ریاست له کارکوونکو سره د هغوی د ستونزو, نظرونو او وړاندیزونو د اورېدو په موخه وکتل او ترڅنګ یې د یاد ریاست له ګدامونو څخه هم لیدنه وکړه.
همداراز، له پېښو سره د مبارزې آمادګۍ ملي ادارې سرپرست په اروزګان ولایت کې له سیلاب ځپلو سیمو څخه لیدنه هم وکړه
-:-:-:-::-::-::-:-:-:-:-:-:-:-:-
الحاج ملا نورالدین ترابی، سرپرست اداره ملی آمادگی مبارزه با حوادث، همراه با قاری محمد خوشحال زمانی، رئیس مرکز عملیات حالات اضطرار و هیئت همراهشان، به منظور دلجویی، غمشریکی و رسیدگی به متضرران ناشی از رانش سنگ و سیلابهای اخیر، به ولسوالی گیزاب ولایت ارزگان سفر کردند.
در این سفر، ترابی صاحب با ملا آمر حمزه حنفی، ولسوال گیزاب، بزرگان محل و خانوادههای آسیبدیده دیدار کرده، پیام تسلیت رهبری امارت اسلامی افغانستان را به بازماندگان ابلاغ نمود و برای شهدای این حادثه اتحاف دعا نموده و کمکهای نقدی را به ورثه ۷ تن شهید توزیع نمود.
باید گفت که برای ورثه هر شهید مبلغ ۱۰۰,۰۰۰ افغانی از سوی سرپرست اداره ملی آمادگی مبارزه با حوادث(در مجموع برای ورثه هفت شهید ۷۰۰,۰۰۰ افغانی) و مبلغ ۵۰,۰۰۰ افغانی از سوی ولسوال گیزاب برای ورثه هر شهید توزیع گردید.
در این سفر، سرپرست اداره ملی آمادگی مبارزه با حوادث از ریاست آمادگی مبارزه با حوادث ولایت ارزگان دیدکرد.
همچنان، سرپرست اداره ملی آمادگی مبارزه با حوادث از ساحات سیلابزده در ولایت اروزگان بازدید نمود
#ANMDAOfficial #AfghanistanNDMA
#Floods
#UrzganProvinceFloods