كنافة بالچيلى بشكل مميز ❗والطعم حكاية زى المحلات 👌

#طريقة_عمل_كنافة_بالچيلى
#كنافة_المحلات
فيديو انهاردة مميز جدا ياريت تسمعوه لآخر ولو عجبكم الفيديو اشتركوا في القناه واعملوا لايك و شير

🔴كنافة بالچيلى
💥مقادير العسل
250 جرام سكر مايعادل 1 ونص كوب
240 جرام مايه مايعادل 1 كوب
معلقة كبيرة عسل جلوكوز
رشه ملح ليمون
💥مقادير الكنافة
250 جرام كنافة
100 جرام سمنه مايعادل نص كوب
معلقة كبيرة سكر بودرة
💥مقادير الكريمه
125 جرام كريم شانتيه مايعادل كوب
80 جرام كريم باسترى مايعادل نص كوب
240 جرام مايه مثلجة مايعادل كوب
💥مقادير الچيلى
2 علبه چيلى
5 جرام چيلاتين مايعادل معلقة صغيرة
30 جرام مايه مايعادل 4 ملاعق
2 كوب مايه
💥الطريقة موجودة فى الفيديو بالظبط
📍أول حاجة نحضر العسل
نحط السكر والمايه وعسل الجلوكوز على النار ونقلبهم واول مايغلى نحط رشه ملح ليمون او عصير ليمون ونسيبه 5 دقايق ونطفى عليه ونسيبه على جانب يبرد
📍تانى حاجة نحضر الكنافة
نجيب الكنافة من الفريزر ونكسرها كويس ونحط السكر
وبعد كدة نحط السمنه ونقلبها كويس جدا
بعد كدة نحضر صينيه مقاس 28 ونحط فيها نص معلقة سمنه ونوزعها فى الارضيه
بعد كدة نحط الكنافة ونكبسها كويس
تدخل على درجة حرارة 200 لمدة 20 دقيقة
تطلع من الفرن تاخد العسل البارد
📍ثالث حاجة نحضر الكريمه
نحط المايه المثلجة وكريم شانتيه والكريم باسترى ونضربهم مع بعض كويس جدا
بعد ما الكنافة تبرد نفرد الكريمه عليها ونقفل على الجوانب كويس جدا
نقطع الموز حلقات ونحطها على وش الكريمه ونضغط عليها كويس بحيث انها تمسك فى الكريمه
تدخل التلاجة لمدة ساعة
📍رابع حاجة نحضر الچيلى
نحط المايه على الچيلاتين ونقلبهم وبعد كدة نتركهم على جانب
نحط كوب مايه مع 2 باكت جيلى ومعلقة كبيرة سكر ونرفعها على النار حتى الغليان
نسيح الچيلاتين فى الميكروويف أو بخار المايه
وبعد كدة نحط كوب مايه ساقع على الچيلى وبعد كدة نحط الچيلاتين ونقلبهم مع بعض كويس ونسيبهم على جانب يبرد
نطلع الكنافة من التلاجة ونحط الچيلى عليها براحة وتدخل التلاجة تانى لمدة ساعتين
والف هنا عليكم 🥰