الامر الهام 💥 مهداة الى الشاعر محمد الن الذيب 💥 كلمات سليمان بن ساقه & اداء ماجد خضير - 2024

الامر الهام 💥 مهداة الى الشاعر محمد ابن الذيب كلمات سليمان بن ساقه اداء ماجد خضير كلمات العمل: سرا الليل وبيوت القصيده على الصدام وهاجوس فكري بيده القير والطاره . على شاصٍ ارخم من يصممه ماينلام لو انه يحط لسايقه سيت طياره . مضرا على قطع السباريت شرق وشام غرام الغريب اللي شكي البعد من داره ظهر من حفيزه فأول القيض قبل العام وراعيه عودٍ يحسب الكاب نظاره . يقول العهد به يوم جبته من الدمام على بالحرام انه مبشرني ابشاره . شريته لشعلٍ كل ماجالها درهام يحول خشم مطلول عند اخر حواره . من مشاش بن جمعة وحروة مقيض حزام توحى لشكمانه من البعد صفاره . مرابع هل الشعل المقيمه من امية عام يوم ان القبايل تردف الغاره الغاره . مفالي سمو الشعل ومحطمة الارقام معامق حفولٍ فالمنصات دجاره . مغن اشعلٍ يطرد من مراحه السوام تباشر به البدوان لا فكوا اهجاره . ديار حميناها بحد اعكف ٍ صمصام تباريه شلفٍ للمقاضيب بتاره . ديار الرجال اللي تحط القعود ايدام مع جارهم مثل المهادي مع جاره . وانا الشاعر اللي لا دعوني للأمر الهام غدوا مبدعين الشعر وفحولهم شاره . وشاق القصيده واحدٍ من سلايل يام يزود القصايد من مقامه ومقداره . على محمد بن الذيب مني سلام اسلام سلامٍ يحق لكل مطنوخ تكراراه . معه دعوة اللي حج مكه ولبس احرام مهي دعوة اللي مابعد ساق كفاره . هو الشاعر اللي مايساوم ولا ينسام ولا هزه اللي مرخين سير ديناره . هو الشاعر اللي ماتعرض للأستخدام مع الحق لين اتشله إيدين قباره . تحت فيته غير الارامل بيوت ايتام ولا ادري مع الله وش خباياه واسراره . خبرتوا حدن مطلوب للسجن عشر اعوام يفك العرب من ظلمه السجن واسواره . ( ومن شبه محمد بجيفاره المقدام هذا محمد بن الذيب ماهو بجيفاره ) . ( يرا الروس مثل الروس فى حسبة الحجام وراس اصغر الحاره مثل عمدة الحاره ) . ابن عم وسنافي ومتهور وظرغام يجنبه اخو جوزه ويدراه اخو ساره . يدف البشوت الشقر فى عصبة البسام وينطح كبير القوم ماغلق زراره . على صحونه ظهور المفرد تقول اهرام وعلى الباب ينطح بالتراحيب زواره . لياصار عنده موجبه فى حدا الايام عسى الله يعين العسكري عند دواره . على حد ممنعور هوادي عشاه عظام كريم جميع الناس ماتجهل اذكاره . لو انه لحق عصره ماحط الودك فالخام خذا من شبوب الضاعني ما شعم ناره . ولا بيض الله وجه الاعشى وابو تمام ولا طرفة بن العبد واللي على كاره . غدوا سلعةٍ للحاجه اللي وري الاكمام بعضهم يسبك وانت معطيه سياره . عسى اللي ضوى شمسه يزيح الظلام التام يزيل الهموم ويرجع ( الكنق ) لدياره .. للتواصل والاستفسارات : الحسابات الرسمية لـ منصة بصمة الابداع . ‏Official Whatsapp : الرابط محادثة الواتساب المباشر : https://wa.me/message/4GKUGHJQFDZTC1 +966562778026 ‏Official Snapchat : https://www.snapchat.com/add/a_thane2 ‏Official Twitter : https://twitter.com/a_thane2 ‏Official Instagram : https://www.instagram.com/a_thane2 ـــــــــــــــــــ