სანქტ-პეტერბურგში მდებარე სახელმწიფო პენიტენციური დაწესებულება, სახელწოდებით “Кресты”, ანუ ქართულად “ჯვრები” — გაიყიდა. ციხის ახალი მფლობელი სამშენებლო კომპანია КВС-ი გახდა, რომელმაც ისტორიულ შენობაში $12.9 მილიონი გადაიხადა. როგორც კომპანიაში ამბობენ, ციხეს რესტავრაცია ჩაუტარდება, რომლის შედეგად სანქტ-პეტერბურგში მდებარე ეს სივრცე წარსულს და აწმყოს ახლებურად გააერთიანებს. ციხეში კომპანია მუზეუმის, სასტუმრო კომპლექსის, რესტორნების, გალერეების და რამდენიმე საჯარო სივრცის გახსნას გეგმავს.“ჯვრები” ერთ-ერთი ყველაზე ცნობილი რუსული ციხეა, რომლის მშენებლობა ჯერ კიდევ 1892 წელს დასრულდა. ეს სახელი ციხისთვის ტყუილად არ შეურჩევიათ, რადგან ის ორი კორპუსისგან შედგება, რომელთა ფორმა — ჯვარს მოგვაგონებს. სხვადასხვა დროს, ამ ციხეში დროს ატარებდნენ, როგორც ისტორიკოსი ლევ გუმილიოვი, ასევე რევოლუციონერი ლევ ტროცკი და პოეტი იოსიფ ბროდსკი. პენიტენციური დაწესებულება “ჯვრების” ტერიტორიაზე 2022 წლამდე მოქმედებდა. ჯვრები ანუ იგივე კრესტის ციხე, ბევრი საქართველოს მოქალაქისთვისაც ცნობილი დაწესებულებაა, სადაც წლების განმავლობაში ათასობით საქართველოს მოქალაქე და ეროვნებით ქართველი ყო განთავსებული, სხვადასხვა მიზეზებით და გარემოებებით.