حاجی محمد محقق، رهبر حزب وحدت اسلامی مردم افغانستان می‌گوید که محمد اشرف غنی، رییس جمهور پیشین افغانستان دست نشاندهٔ امریکا بود و حکومت را به قوم خود تحویل داد. محقق در برنامهٔ حایل صدای امریکا اتهامات دست داشتن در فساد در دوران جمهوریت در افغانستان را رد کرد و خود را اپوزسیون سیاسی داخل نظام خواند. او گفت که هر زمانی که بخواهد به افغانستان رفته و به گفتهٔ وی کسی جلو رفتن وی را گرفته نمی‌تواند.